Misambu 19:8 - MUKANDA WA MYIDI MUKULU

⁸ Mikenji ya Maweja-Nangila kayena bubi. Idi ifila bukole, ipetesha muoyi. Mibelu ya Maweja-Nangila idi mimpe, ikebela bena lungenyi lutekete meji.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Mei a Yehowa adi malelela, adi asankisha mutshima; mukenji wa Yehowa udi mulengele, udi utandula mesu a bantu.

Misambu 19:8 교차 참조

Genese 26:5

Bualu Abrahame uvua muitabe diyi dianyi, mukumbaje miaku ne mikenji bimvua mumuambile.

2 Bakalenga 17:37

Matuku onsu, nutumikile meyi anyi, mikandu yanyi, ne mikenji yanyi yonsu imvua munufundile nuenu nkayenu, nangananga kanuena mua kutendelela mvidie mikuabu to.

Nehemya 8:12

Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Nehemya 9:13

Wewe kupueka mu diulu, kubambila malu ku mukuna wa Sinayi. Wewe kubamanyisha mikenji milenga, kubalongesha malu malelela, kubelela meyi ne mikandu bidi bilengelela bantu.

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Misambu 111:7

Malu adiye wenza ne bianza biende adi aleja bulelela buende ne mudiye ukosa nsambu pa yoyi. Mikenji yende yonsu idi ya kueyemena,

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Misambu 119:12

Maweja-Nangila, tuasakidila, bualu udi mundongeshe tshiudi musue.

Misambu 119:121

Ndi muenze muuvua muambe, kundekedi mu bianza bia badi bankengesha.

Misambu 119:128

Mikenji yebe yonsu ndi nyimona miakane, ndi mubenge malu onsu a dishima.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Misambu 119:14

Kulonda mikenji yebe kudi kunsankisha, bu mudi muntu mupete biuma bia bungi.

Misambu 119:143

Dibungama ne dikenga bidi binkuata, kadi meyi ebe ke disanka dianyi.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Misambu 119:171

Mishiku yanyi itangalaje butumbi buebe, bualu udi undongesha biudi musue.

Misambu 119:24

Malu audi mungambile adi ansankisha, wowu ke adi ampesha meji makane.

Misambu 119:40

Dijinga dianyi ndia kulonda mikenji yebe, umpe muoyi bualu udi muakane.

Misambu 119:54

Biudi musue, ke bindi meme muena tshimuangi nsaka mu misambu.

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Misambu 119:92

Bu meme tshiyi ndonda mikenji yebe idi insankisha, dikenga divua mua kunkuata.

Misambu 12:6

Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”

Misambu 13:3

Nentate amu kutata too ne ku diba kaayi? Dikenga nedikale mu muoyi wanyi ku dituku ku dituku anyi? Baluishi banyi nebampite bukole ne ku diba kaayi?

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Ekesode 18:16

Padibu ne tshilumbu, badi bafika kundi. Ndi njikija matandu abu. Pashishe ndi mbamanyisha meyi ne mikandu bia Mvidi Mukulu.

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Nsumuinu 30:5

“Bionsu bidi Mvidi Mukulu ulaya udi ubikumbaja. Udi ngabu wa mvita, udi ulama muntu yonsu udi usokomena kudiye.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Rome 3:20

Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Ngalate 2:19

Kadi bua bidi bitangila mikenji, ndi mufile lufu lunkebela kudi mikenji mene, bua ngikale ne muoyi bualu bua Mvidi Mukulu. Ndi mulue pamue ne Kristu ku mutshi mutshiamakane.

Ngalate 3:21

Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Dielulula 16:11

Nuye ku nzubu wikale Maweja-Nangila musungule bua nuenu kumonangana nende. Muaba wa tshijila awu, nuenu bena Izrayele, nusanke ne bana benu, bena midimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu.

Dielulula 16:14

Nanku nuenu bena Izrayele bonsu, bana benu, bena mudimu benu, bena Levi, benyi banudi nabu, bana ba nshiya, ne bakaji bakamba badi munkatshi muenu, nusanke bua tshibilu etshi.