Misambu 19:7 - MUKANDA WA MYIDI MUKULU

⁷ Didi dibanda ku ntuadijilu wa buloba, dibuela ku ndekelu wabu, nkenke yadi itua miaba yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mikenji ya Yehowa idi miakane tshishiki isangasha muoyo wa muntu; Tshimanyishilu tshia Yehowa tshidi mua kueyemenyibua, tshidi tshivuisha muntu udi mudibakane muena meji.

Misambu 19:7 교차 참조

2 Samuele 23:5

Ke malu adi Mvidi Mukulu muenzele bena nzubu wanyi. Uvua mutue nanyi ndondu wa kashidi, mujadike ndondu awu ne mikenji idi bantu kabayi mua kubenga. Bionsu bidi binsankisha, udi ubikumbaja.

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Misambu 111:7

Malu adiye wenza ne bianza biende adi aleja bulelela buende ne mudiye ukosa nsambu pa yoyi. Mikenji yende yonsu idi ya kueyemena,

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Misambu 119:14

Kulonda mikenji yebe kudi kunsankisha, bu mudi muntu mupete biuma bia bungi.

Misambu 119:152

Meyi ebe ndi muamanye ku kale, uvua muambe bua kashidi.

Misambu 119:24

Malu audi mungambile adi ansankisha, wowu ke adi ampesha meji makane.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Misambu 119:9

Patshidi muntu muana, mmunyi mudiye mua kuikala ne nsombelu muimpe? — Amu padiye ulama tshiudi muambe wewe Maweja-Nangila.

Misambu 18:30

Patudi nebe ndi mbanda bimana, ntupika, ndiela kudi baluishi, mbatshimuna.

Misambu 23:3

Udi ufululula bukole buanyi. Udi undudika mu njila muakane bualu udi mulami wa bena Izrayele.

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Nsumuinu 1:4

Nsumuinu idi ileja bantu badi kabayi banji kumona malu panu njila udibu mua kulonda; idi ilongesha bansongalume malu adibu ne bua kuelangana meji.

Yeshaya 8:16

Ndi nsokoka bivua Maweja-Nangila mungambile. Ndi ndama bimpe bionsu bindi ne bua kuamba. Ndi mbiambila amu balongi banyi.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

Rome 3:2

Mushinga wa bionsu abi mmunene. Bangabanga bualu Mvidi Mukulu uvua mudianze kumanyisha bena Yuda miaku yende.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.