Misambu 19:11 - MUKANDA WA MYIDI MUKULU

¹¹ Mikenji yende mmipite tshiamu tshia mpawungi mushinga, idi mimpe, mipite buitshi busheme.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muntu webe udi mudimushibue kabidi kudibi; ne mu kutumikila kuabi mudi bukenji bunene.

Misambu 19:11 교차 참조

2 Kulondolola 19:10

Padi bana benu bandumbulula bafuma mu bimenga bidibu basombe, banulomba meji bua bualu bua dishipangana, nansha bua malu makuabu adi atangila meyi, mikenji ne mikandu, nubumvuije mushindu udibi. Nanku bantu abu, kabakuenzela Maweja-Nangila bibi to. Nuenze mundi munuambile emu bua kanuikadi bena tshibawu.

Misambu 119:103

Pandi ngumvua malongesha ebe, ndi ngamona masheme mapite buitshi.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Nsumuinu 24:14

Kadi wavuluka ne: meji mempe neakusankishe kabidi bikole. Pawikala wenza nawu mudimu, neakulongeshe. Neusanke matuku atshidi kumpala. Biudi utekemena neubipete.

Nsumuinu 29:18

Padi bambi kabayi bamanyisha malu a kudi Maweja-Nangila, bantu badi basomba mu bubi. Kadi muntu udi ulama mikenji ya Mvidi Mukulu mmuena diakalenga.

Yezekiyele 3:3

Kungambilaye kabidi ne: — Muntu, diaku mukanda undi nkupa ewu ukute difu tente. Meme kuudia. Utua musheme mukana muanyi bu buitshi.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Matayi 6:18

bua bantu kabamanyi ne: udi mujile biakudia. Anu Tatu webe udi kayi umueneka, neamanye. Nanku Tatu webe udi umona biudi wenza mu musokoku, neakufute.

Matayi 6:4

Nanku diambuluisha diebe dikale dia mu musokoku. Mvidi Mukulu, Tatu webe, udi umona biudi wenza mu musokoku, neakufute.

Matayi 6:6

Kadi wewe, paudi musue kutendelela, ubuele mu nzubu muebe, winjile tshiibi, utendelele Tatu webe, udi kayi umueneka ku mesu a bantu. Nanku Tatu webe udi umona biudi wenza mu musokoku, neakufute.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

1 Korente 4:14

Ndi nnufundila nenku, ki mbua kunufuisha bundu, kadi amu bua kunubela bu bana banyi bandi nnanga.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

2 Yone 1:8

Nunku nuenu kabidi nudimuke bua kanujimiji bipeta bia ku mudimu wenu. Kadi nukuate mudimu bua nupete difutu dienu dijima.

Didimanyisha 14:13

Pashishe meme kumvua diyi difumina mulu, dingamba ne: — Funda ne: “Badi bafuila mu mudimu wa Mfumu bituadija ku mpindiewu, mbena diakalenga!” Mueyelu wa Mvidi Mukulu udi wamba ne: “Bushuwa, nebikishe bua midimu mikole ivuabu benze, bualu malu mempe avuabu benze adi abalonda, abakuila.”