Misambu 18:4 - MUKANDA WA MYIDI MUKULU

⁴ Maweja-Nangila atumbe! Pandi mmubikila, diakamue udi unsungidila kudi baluishi banyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Makuondo a lufu akanyunguluka, kubutuka kuakadi bu mai mahasalala kuakantshinyisha.

Misambu 18:4 교차 참조

2 Kulondolola 20:21

Yosafate kumyuangana ne bantu, kuteka bena misambu kumpala kua bena mvita. Bena misambu bavua bavuale bilamba bia tshijila, batumbisha Maweja-Nangila, bamba ne: “Tumbishayi Maweja-Nangila, bualu dinanga diende ndia kashidi!”

2 Kulondolola 20:22

Pavuabu batuma musambu wa kutumbisha Mvidi Mukulu, Maweja-Nangila kubueja tshimvundu munkatshi mua bena Amone, bena Mowabe, ne bena Edome, bavua bafike bua kuluisha bena Yuda. Nanku bena lukinu babu kuluishangana nkayabu.

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Misambu 124:4

Diba adi mayi avua mua kutupuekesha, musulu uvua mua kutujimija.

Misambu 22:16

Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!

Yeshaya 13:8

Monayi bakadi bapanga tshia kuenza. Bowa ne dikenga mbibakuate. Badi badinyenga bu bakaji pa lulelu. Bakadi batangilangana, buminyine ne bowa, mpala yabu mikunze ne bundu.

Matayi 26:47

Patshivua Yezu wakula nanku, Yudase, umue wa ku dikumi ne babidi, kufika ne bantu bavule, bikale ne miele, kabidi ne mitshi. Ke bamfumu ba batuangaji ne bakulu ba bena Yuda bavua babatuma.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Bienzedi 21:30

Tshimvundu kutampakana mu tshimenga tshijima. Bantu bonsu kukungila ku nzubu wa Mvidi Mukulu. Kukuatabu Polu, bamupulumuna, bamupatula mu nzubu. Diakamue kukangabu biibi.

2 Korente 1:9

Tuvua bele meji ne: mbamane kutufundila tshibawu tshia lufu. Kadi bivua bienzeka nanku, bua tulonge mutudi katuyi mua kuditekemena, kadi tutekemene amu kudi Mvidi Mukulu udi ubisha bafue.