Misambu 16:10 - MUKANDA WA MYIDI MUKULU

¹⁰ Kuakunshiya mu kandondu ka bafue. Kuakuanyisha bua mbolele mu lukita.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua wewe kuena ushiya muoyo wanyi mu Muaba wa Bafue; kuena witabusha bua muntu webe wa tshijila atangile Dijimba dia Bafue.

Misambu 16:10 교차 참조

Yobe 11:8

Bukole buende mbupite bua diulu, tshiudi mua kuenza ntshinyi? Budi ne bondoke bupite bua dijimba dia bafue, tshiudi mua kushikuluja ntshinyi?

Misambu 139:8

Nansha meme mubande mu diulu, udimu; nansha mulale mu kandondu, udi anumu.

Misambu 49:15

Badi babasaka bu mikoku, baya nabu mu kandondu ka bafue. Lufu ke mulami wabu. Mibidi yabu idi yenda ijimina. Ku bajangi ke kudi nzubu wabu. Bantu ba muoyi muimpe nebatshimune.

Misambu 9:17

Maweja-Nangila mmudileje mudiye, mmukose nsambu pa yoyi. Muntu mubi mmudikuatshishe mu bukondu buvuaye muele.

Nsumuinu 15:11

Maweja-Nangila mmumanye bionsu, nansha bidi mu kandondu ka buloba. Nanku mudi muntu mua kusokoka Mvidi Mukulu malu adi munda muende mmunyi?

Nsumuinu 27:20

Mudi dijimba dia bafue dimina bantu, ke mudi muntu ujinga amu kujinga kabiyi bijika.

Yeshaya 14:9

Ku bajangi padibu bumvua, muukadi pa kufika, wewe muena tshikisu, badi badilongolola bua kukuakidila. Bualu buebe badi babisha bajangi bavua bamfumu banene panu. Bualu buebe badi bumusha, bakalenga bonsu ba matunga mu nkuasa yabu.

Yeshaya 5:14

Bakadi bunzulule muaba wa bafue, mbaudiundishe bikole. Bamfumu ne bena Yerushalayime nebabuelemu bonsu, batshikale munkatshi mua tshibilu, basanka.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Lewitiki 19:28

Panudi mu madilu, kanuditapi mputa pambidi. Kanuditapi nsalu pambidi to. Bualu meme Ndi Maweja-Nangila.

Amosa 9:2

Nansha bimba tshina, babuela mu kandondu ka bafue, nembakuatemu, mbapatulamu. Nansha babanda mu diulu, nembakulule, mbapuekeshe panshi.

Dibadika 6:6

Matuku onsu adiye mudijidile, kena mua kusemena pabuipi ne tshitalu,

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Luke 16:23

Muena biuma uvua ukengakana bikole mu kandondu ka bafue. Ukenzakana, kumonaye Abrahame ku bule, Lazare muikale pabuipi nende.

Luke 4:34

— Akia! Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mukumanye bimpe ne: udi Wa Tshijila! Mvidi Mukulu mmukutume!

1 Korente 15:42

Ke bidi bienzeka diba didi bantu babike. Tshidibu bajika ntshintu tshidi tshibola kadi tshidi tshibika netshikale tshia kashidi.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

Didimanyisha 20:13

Mayi manene kupingaja bafue bavua munda muawu. Lufu ne kandondu kabidi kupingaja bafue bavuabi bilame. Ke kulumbuluishabu muntu yonsu pa bivuaye muenze.