Misambu 15:4 - MUKANDA WA MYIDI MUKULU

⁴ Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Ku mesu andi muntu mubi udi mulenguludibue; kadi udi utumbisha bantu badi banemeka Yehowa. Biaditshiheye ne bualu bubi budi bumukuata, yeye kena wandamuka ku dî diandi.

Misambu 15:4 교차 참조

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Estere 3:2

Bena mudimu bonsu ba mu nzubu wa bukalenga bavua batua binu, binyika ne mitu kumpala kua Amane, bu muvua diyi dia mukalenga. Kadi amu Mordekayi nkayende ke uvua ubenga kuenza nanku.

Misambu 101:4

Tshiena musue kumanya bualu bubi, bivi nembipatshile pa bule.

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Misambu 119:63

Ndi mudie bulunda ne badi bakunemeka bonsu, ne badi banemeka kabidi mikenji yebe.

Misambu 16:3

Bantu badi bitaba Mvidi Mukulu mbena diakalenga, ndi nsankila kudibu.

Matayi 5:33

— Nudi bamanye muvuabu bakandike kabidi bankambua betu ne: “Kanunyangi mutshipu wenu. Nukumbaje malaya anuvua balaye Maweja-Nangila.”

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Bienzedi 28:10

Bena mu tshidila kudisankisha ne bintu bishilangane. Diba dia kulayangana nabu, kutupabu bionsu bituvua tukengela bua luendu.

1 Yone 3:14

Tudi bamanye ne: tudi bapatuke mu lufu, bua kubuela mu muoyi. Tudi bajadike nanku, bualu tudi tunanga bana hetu. Udi kayi unanga, utshidi mu lufu.

Balombodi 11:35

Yefete umona amu muanende awu, kudipandaye bilamba bua kuleja kanyinganyinga, udila wamba ne: — Akia! Muananyi wa bakaji, wakumbueja mu dikenga! Anu wewe wakunkebela kanyinganyinga bua tshinyi? Mvua mumane kuditshipa kudi Maweja-Nangila. Ndi anu ne bua kukumbaja mitshipu yanyi.