Misambu 14:5 - MUKANDA WA MYIDI MUKULU

⁵ Kadi diakamue nebakuatshike bowa, bualu Maweja-Nangila neafike bua kuambuluisha bende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Ku muaba wawa badi ne buowa bukole; bualu bua Nzambi udi mu mulongo wa bantu bakahe.

Misambu 14:5 교차 참조

Estere 8:7

Pashishe, mukalenga Ahashaveroshe kuandamuna Estere pamue ne Mordekayi, muena Yuda, ne: — Monayi, mvua mutume diyi bua kuowabu Amane, bualu uvua ukeba kubutula bena Yuda; kabidi wewe Estere mvua mukupeshe bintu bionsu bia Amane.

Misambu 112:2

Bana bende nebikale bilobu mu ditunga, ndelanganyi ya bantu bakane nebayele lupemba.

Misambu 22:30

Banene ba pa buloba nebamukukuile! — Bonsu bavuavua kufua, badi bamutuila binu!

Misambu 24:6

Ke bantu badi bakeba Maweja-Nangila, basemena kudi Mvidi Mukulu wa Yakobe.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 73:15

Kadi meme muele meji a kuakula bu bantu babi abu, mvua mua kuyila tshisamba tshia bana bebe.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.