Misambu 139:2 - MUKANDA WA MYIDI MUKULU

² Udi mumanye pandi nsomba nansha mbika, majinga anyi udi muamanye kale.

Mukanda wa Nzambi Dihungila Dikulukulu ne Dihungila Dihia-dihia 2003

² Wewe muine udi mumanye hanashikama hanshi ne hanajuka; udi ujingulula meji anyi hantshidi kule.

Misambu 139:2 교차 참조

Genese 16:13

Agare kudikonka ne: “Ndi mumone Udi mummone anyi?” Kuinyikaye Maweja-Nangila uvua umuakuisha dina ne: “Wewe udi Ele-Royi, mmumue ne: Mvidi Mukulu udi mummone.”

2 Bakalenga 19:27

“Ndi mumanye malu ebe. Ndi mumanye paudi usomba, paudi upatuka nansha ubuela, paudi umfunyina meme.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

Misambu 44:22

kuvua mua kupanga kumanya bualu ebu to. Bualu Wewe udi ujingulula malu masokome onsu a munda mua muntu.

Misambu 56:8

Bantu bamane kuenza bibi nanku, mudibu mua kuenda tshianana, kabayi babanyoka mbishi? Mvidi Mukulu wanyi, baleja tshiji tshiebe, ubabutule!

Misambu 94:11

Maweja-Nangila udi mumanye meji adi muntu wela, mmuamanye bimpe, adi bu lupepele.

Nsumuinu 15:3

Mesu a Maweja-Nangila adi atangila miaba yonsu. Udi ujooja bimpe ne babi.

Yeshaya 37:28

“Ndi mumanye malu ebe onsu, ndi mumanye paudi ujuuka, nansha paudi usomba, paudi upatuka, nansha paudi ubuela, ne paudi umfunyina meme.

Yezekiyele 11:5

Mueyelu wa Maweja-Nangila kuntulukila, ungambila mua kumanyisha bantu ne: — Telejayi bidi Maweja-Nangila wamba ne: Nuenu bena Izrayele, ndi mumanye tshinudi nuamba. Ndi mumanye meji adi anuvuila mu lungenyi.

Yezekiyele 38:17

“Meme Maweja-Nangila Mvidi Mukulu, ndi nkuambila ne: Wewe ke umvua ntela kukadi bidimu bivule, diba dimvua muambile bambi ba bena Izrayele, bantu banyi, ne: numanyishe bena Izrayele misangu ne misangu ne: nentume muntu udi ne bua kuluisha bena ditunga dienu.

Matayi 9:4

Yezu umanya meji avuabu bela, kubakonkaye ne: — Nudi nuela meji mabi munda muenu bua tshinyi?

Luke 9:47

Yezu kumanya mpata ivuabu bela. Nanku kuangataye muana, kumuimanyika pabuipi nende,

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Dielulula 31:21

Bena Izrayele nebapete ntatu ne makenga makole. Kadi meyi a musambu ewu neanusonguele. Bualu ndelanganyi yonsu ya bena Izrayele neikale imba anu musambu ewu. Meme ndi mumanye meji adi bena Izrayele nawu mpindiewu, tshiyi muanji kubafikisha mu ditunga dimvua mubalaye.