Misambu 124:4 - MUKANDA WA MYIDI MUKULU

⁴ Diba adi mayi avua mua kutupuekesha, musulu uvua mua kutujimija.

Mukanda wa Nzambi Dihungila Dikulukulu ne Dihungila Dihia-dihia 2003

⁴ ha diba adi mai akadi kuhita ha mitu hetu, musulu mûla wakadi kuhita ha mutu ha mioyo yetu;

Misambu 124:4 교차 참조

Didimanyisha 17:15

Mutumibue kungambila kabidi ne: — Mayi auvua mumone muaba uvua mukaji muena buendenda musombe, ke bantu ba mu bisamba bionsu, ba mu matunga onsu, ne ba miakulu yonsu.

Misambu 69:15

Umpatule mu lunteka lundi ndina, unsungidile kudi badi bankina, unsabule mu dilembua.

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Misambu 69:2

Mvidi Mukulu wanyi, unsungidile! Mayi mmankuate ne mu nshingu.

Misambu 32:6

Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Didimanyisha 17:1

Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 18:4

Maweja-Nangila atumbe! Pandi mmubikila, diakamue udi unsungidila kudi baluishi banyi.

Yobe 22:11

Nenku kuena mumone kabidi tshintu, bualu miidima idi ikubuikila. Mayi adi apasalala adi akubutula.

Misambu 18:5

Njiwu ya lufu ivua minjingile, ikeba kumpuekesha bu mavuala a mayi.

Misambu 42:8

Udi ungitshikijila mayi a muenji, mavuala enda avulangana, bipitshila bionsu pambidi panyi! Meme kudiina mu mayi ne kasuki!

Misambu 144:7

Oluela tshianza tshiebe mu diulu, umpandishe, unsungidile ku njiwu, ku bianza bia bantu ba bisamba bikuabu,