Misambu 123:4 - MUKANDA WA MYIDI MUKULU

⁴ nsenda ya bena kapeja ne kapeja ka bena ditambisha mbitutonde.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mioyo yetu idi itamba kubuidibua kudi badi bikisha ne kulenguludibua kudi badi badisue.

Misambu 123:4 교차 참조

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Yobe 12:5

“Muena dikenga badi bamuseka bikole.” Ke meji a bantu badi kabayi ne lutulu. Muntu udi ukeba kudishinda, badi bamuela museba.

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Misambu 119:51

Nansha bena kapeja banseka, tshiena musesuke ku mikenji yebe.

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yeshaya 32:9

Nuenu bakaji badi kabayi basumpakena tshintu, jukayi, nunteleje. Nuenu bana ba bakaji badi benda bu badi kabayi ne lutatu, ntelejayi: ke meme awu ngakula.

Yirmeya 48:11

Bituadije ku buana buende, Mowabe kavua ne dikenga nansha. Kabavua banji kuya nende mu bupika. Uvua musombe ku matshi talalaa, mudi maluvu a mvinyo mashale mu mulondu, bisekaseka bimane kupueka panshi. Kabavua banji kupongolola mu mulondu mukuabu. Maluvu awu avua amu ne muenyi wawu.

Yirmeya 48:27

Bena Mowabe, mwuluke munuvua nuseka bena Izrayele, munuvua nukupa mutu, nubaseka bu bantu badibu bajikila biba bintu.

Yirmeya 48:29

Tuvua bumvue muvua bena Mowabe baditambisha, badisua bikole, bapepeja bantu bakuabu, baleja dikamakama, baditemba, baditeka ku mutu kua bantu bakuabu.

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Bienzedi 17:21

(Bualu bena Atene bonsu, ne bantu ba bisamba bikuabu bavua basomba mu tshimenga atshi, bavua basombela amu bua kuamba, nansha bua kuteleja malu mapiamapia!)

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

Bienzedi 26:24

Patshivua Polu ndilumbuluila nanku, Festuse kumuela diyi dikole ne: — Polu, udi mupale anyi? Malu mapite bungi audi mulonge mmanyange lungenyi luebe!

1 Korente 4:13

Badi batushiminyina malu, tudi tubandamuna ne miaku mimpe. Nansha mpindiewu kabidi, badi batutangila munkatshi mua bantu bu bintu bidibu bakomba bua kubiela ku diala.

1 Samuele 17:42

Ngoliyate utangila Davide, kumupepejaye, bualu Davide utshivua muana mukese, muikale ne mubidi mukunze, ne mpala muimpe mutambe.