Misambu 113:7 - MUKANDA WA MYIDI MUKULU

⁷ Udi ujula mupele uvua mudishinde panshi, udi ujula muena dikenga, uvuabu bimanshe mu dyala,

Mukanda wa Nzambi Dihungila Dikulukulu ne Dihungila Dihia-dihia 2003

⁷ Udi ubisha muhele mu dinfuenkenya, udi ujula mukengi udi mushikame mu diala,

Misambu 113:7 교차 참조

1 Bakalenga 16:2

— Wewe Basha uvua muntu tshianana. Meme kukusungula munkatshi mua bantu banyi bena Izrayele bua wewe kushala mukalenga wabu. Kadi, udi muenze malu mabi bu muvuabu benza kudi Yerobowame. Udi mufikishe bena Izrayele ku dienza bibi. Nanku, bena Izrayele mbamfikishe munda bua bubi buabu.

Yobe 2:8

Yobe kuya kusomba mu butu, kuangula tshiyoyi tshia luesu bua kudikuanya natshi.

Yobe 5:11

Bantu bavuabu bapuekeshe panshi, yeye udi ubabandisha kulu. Badi mu dibungama, yeye udi ubapingajila disanka.

Misambu 107:41

Udi usungidila bapela ku dikenga, uvudija meku abu bungi bu mikoku.

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Samuele 24:14

Wewe udi mumanye lusumuinu lua bankambua, ludi luamba ne: “Anu bantu babi ke badi benza bibi.” Nanku meme tshiena mua kukuenzela bibi to.