Misambu 112:6 - MUKANDA WA MYIDI MUKULU

⁶ Bualu kena mua kutekankana tshiendelele, nebavuluke muntu muakane matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua kabena bamunyungisha tshiendelele, nebavuluke muntu muakane kashidi.

Misambu 112:6 교차 참조

Nehemya 13:22

Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Nehemya 13:31

Meme kulongolola kabidi mudimu wa kufila nkunyi matuku avuabu bafunde, kabidi wa kufila milambu ya bintu bia tshianyi bia mu madimi. “Eyi Mvidi Mukulu wanyi, umvuluke, ungenzele bimpe.”

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Misambu 55:22

Miaku yende ya lubombu mmisheme bu buitshi, kadi udi welangana amu meji a kuluangana mvita. Miaku mipepele idi ipatuka mukana muende, kadi idi amu bu muele wa ntapa kubidi.

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Misambu 62:6

Kudi Mvidi Mukulu ke kundi mpeta dikisha, kudiye ke kundi ntekemena.

Nsumuinu 10:30

Muntu udi ulamata Mvidi Mukulu udi ushindama kashidi. Kadi babi kabakusomba mutantshi mu ditunga to.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.