Misambu 109:13 - MUKANDA WA MYIDI MUKULU

¹³ Ndelanganyi yende ifue, dina diende dijimine mu tshikondu tshidi tshilonda!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Tunkanunuma tuandi tujimishibue; dina diandi dijimine mu tshikondo tshidi tshilonda.

Misambu 109:13 교차 참조

1 Bakalenga 16:11

Amu ubuela mu bukalenga bua bena Izrayele, kushipaye bena nzubu wa Basha bonsu. Kena mushiye nansha muntu umue ne muoyi to. Uvua mushipe bana ne bantu bakulumpe bonsu ba mu nzubu wa Basha, ne bantu bonsu bavua batue ku tshia Basha.

Estere 9:10

Kadi kabawa bapawula bintu biabu to.

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

Yobe 18:19

Muana nansha umue kakusangula diku diende. Muntu nansha umue wa mu muaba wabu, kakushala ne muoyi.

Misambu 21:10

Pawamueneka ne tshiji, neuboshe mu tshikutu tshia kapia. — Eyowa, Maweja-Nangila ababutule, kapia kaboshe! —

Misambu 21:11

Neushidishe ndelanganyi yabu pa buloba, ubutule lulelu luabu lujima.

Misambu 37:28

Bualu Maweja-Nangila kena ulekela bantu bende, mmusue ne: bonsu benzelangane bimpe. Benji ba bibi nebabutuke kashidi, ndelanganyi yabu neijimine.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yirmeya 22:30

Udi wamba ne: “Bafunde muntu ewu mu mukanda wa bakalenga bu muntu udi kayi ne bana! Nsongalume awu mmupange bionsu. Muntu nansha umue wa ku ndelanganyi yende kakusomba pa nkuasa wa bukalenga bua Davide, kakuikala mfumu wa Yuda to.”

Dibadika 27:4

Dina diende didi ne bua kujimina mu diku dietu, bua padiye kayi mulele muana wa balume anyi? Nanku utupeshe petu tshietu tshitupa tshia buloba, mushindu umue ne bana babu ne tatu ba balume!

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.

Dielulula 9:14

Kunkandiki to. Ndekela, mbanyoke. Ndi musue kubabutula, kabayi mua kubatela kabidi pa buloba. Pashishe nenkuambuluishe bua ulele bana ba bungi, benze tshisamba tshinene, tshidi tshipita bena Izrayele ku bukole ne ku bungi!”

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.