Misambu 104:2 - MUKANDA WA MYIDI MUKULU

² Udi muvuale butoke bu tshinkutu, udi muadije diulu bu ntenta.

Mukanda wa Nzambi Dihungila Dikulukulu ne Dihungila Dihia-dihia 2003

² wewe udi uluata munya bu tshitalu; udi uvungulula bia mu diulu bu tshilulu tshikudika.

Misambu 104:2 교차 참조

Yobe 36:30

Amu Mvidi Mukulu ke udi utuma mikenyi ya mvula, panshi pa mayi manene mpashale anu pafike.

Yobe 9:8

Yeye nkayende ke udi ubalula diulu, udi wendakana pa mavuala a mayi manene.

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Yeshaya 45:12

Meme ndi muenze buloba, mufuke ne bantu badi basombapu. Meme ndi mubalule diulu. Ndi ntumina mabulunge a kulu ne mitotu diyi.

Danyele 7:9

“Pamvua ntangila amu kutangila, kutekabu nkuasa ya bukalenga. Mununu kufika, kusombapu. Uvua ne bilamba bitoke bu ndanda. Nsuki yende ivua bu miosa ya mikoku. Nkuasa wende wa bukalenga uvua utema kapia. Uvua ne nkata ikenka bu kapia kakole.

Abakuke 3:4

Udi upatuka, ukenka, ubalakana bu diba, tshianza tshiende tshidi tshiela nsese, ke muaba udi bukole buende.

Zekâya 12:1

Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Matayi 17:2

Yezu kuandamuka mpala, balongi bende bamone. Mpala wende kukenka bu diba. Bilamba biende kutoka too.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

1 Yone 1:5

Yezu Kristu uvua mutumanyishe lumu lutudi Umuambila elu ne: Mvidi Mukulu udi butoke. Munda muende kamuena miidima to.