Misambu 103:22 - MUKANDA WA MYIDI MUKULU

²² Nuenu bifukibue biende bionsu, bidi mu miaba yonsu ya bukalenga buende, elayi Maweja-Nangila tuasakidila. Ne meme kabidi ndi ngamba ne: “Maweja-Nangila, tuasakidila.”

Mukanda wa Nzambi Dihungila Dikulukulu ne Dihungila Dihia-dihia 2003

²² Nuvudishile Yehowa disanka, nuenu bifukibua biandi bionso, mu miaba yonso ya bukokeshi buandi. Mutshima wanyi, uvudishile Yehowa disanka!

Misambu 103:22 교차 참조

Misambu 103:1

Musambu wa mu mukanda wa misambu ya Davide. Ndi musue kuela Maweja-Nangila tuasakidila, ndi musue kuela Mvidi Mukulu tuasakidila ne muoyi wanyi onsu.

Misambu 104:1

Ndi musue kuela Maweja-Nangila tuasakidila! Maweja-Nangila, Mvidi Mukulu wanyi, udi mutambe bunene. Udi muvuale bukenke ne buneme,

Misambu 104:35

Benji ba malu mabi bajimine pa buloba, bantu babi kabikadiku nansha! Maweja-Nangila, ndi musue kukuela tuasakidila. Bakutumbishe Maweja-Nangila, Aleluya!

Misambu 145:10

Maweja-Nangila, bantu bonsu bakutumbishe! Badi bakulamata bakuele tuasakidila!

Misambu 145:21

Mukana muanyi mutumbishe Maweja-Nangila ne misambu! Bionsu bidi ne muoyi biele Mvidi Mukulu wa tshijila tuasakidila bua kashidi!

Misambu 146:1

Tumbishayi Maweja-Nangila, Aleluya! Muoyi wanyi tumbisha Maweja-Nangila!

Misambu 148:1

Tumbishayi Maweja-Nangila, Aleluya! Tumbishayi Maweja-Nangila, nuenu badi mu diulu, mutumbishayi nuenu bonsu badi mulu.

Misambu 150:6

Bionsu bidi ne muoyi bitumbishe Maweja-Nangila! Tumbishayi Maweja-Nangila, Aleluya!

Yeshaya 43:20

Nyama ya muitu, mibuabua ne kasonga-nyunyi, neinganyishe bikole, bua pandi mupatule mayi mu tshipela, ne misulu miaba miume. Bualu ndi musue kupesha bantu, bandi musungule, mayi a kunua.

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.