Mika 4:10 - MUKANDA WA MYIDI MUKULU

¹⁰ — Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ukenge hebe, tantamana, ulele, wewe muana mukashi wa Siona, bu mukashi udi ne didinyenga dia ha kulela; bualu bua katataka neuluhuke mu musoko, neushikame mu mpata, neuye tô ne ku Babulona; ku muaba au nebakuhandishe, ku bianza bia badi nʼebe lukuna.

Mika 4:10 교차 참조

2 Bakalenga 20:18

Nebakuate kabidi bantu ba ku ndelanganyi yebe, baye nabu mu Babilone, bua kubapakula bua bikale benza mudimu mu nzubu wa bukalenga, wa mukalenga wa bena Babilone.”

2 Bakalenga 25:4

bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

2 Kulondolola 36:20

Mukalenga Nebukadnesare kuangata bantu bavua kabayi bafue mu mvita, kuya nabu muende mu Babilone. Kushalabu bapika bende ne ba ndelanganyi yende, too ne ku dibuela dia bena Persa mu bukalenga.

2 Kulondolola 36:23

“Koreshe, mukalengamunene wa bena Persa, udi wamba ne: Maweja-Nangila Mvidi Mukulu wa mu diulu, mmuteke makalenga onsu a pa buloba ku bumfumu buanyi. Mmungambile bua kuibakulula nzubu wa Mvidi Mukulu mu Yerushalayime, mu ditunga dia Yuda. Bantu bonsu bena tshisamba tshia Maweja-Nangila, badi munkatshi muenu bapingane mu Yerushalayime. Maweja-Nangila Mvidi Mukulu ikale nabu, abalame!”

Misambu 106:10

Kubasungidilaye kudi bavua babakina, kubanyenga mu bianza bia muluishi.

Yeshaya 43:14

Maweja-Nangila, Wa tshijila wa bena Izrayele, udi muvue kunusungidila, udi wamba ne: “Bu mundi mununange, ndi ntuma muntu ku Babilone, bua anunzuluile biibi bionsu. Nenku kuaka ku Babilone, mbila ya disanka neyandamuke miadi ne miyenga.

Yeshaya 45:13

Meme Maweja-Nangila muena bukole buonsu ndi ngamba ne: Meme kabidi ndi mutume Koreshe, muntu unudi bamanye, bua anusungidile. Nendandakaje njila yonsu kumpala kuende. Yeye ke wibakulula tshimenga tshianyi tshia Yerushalayime. Neanyishe bua bantu banyi bavuabu bakuate, bapingane kuabu! Kena ulomba nansha dikuta, nansha mabuejila!”

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yirmeya 13:4

“Angata mukaba uudi musumbe, uye nawu ku musulu wa muenji mukole wa Fara, uusokoke muaba awu mu mutanta wa lubuebue.”

Yirmeya 15:21

Nenkupatule ku njiwu yonsu, tshiakukushiya mu bianza bia badi bakukengesha to.

Yirmeya 29:20

“Kadi nuenu bavua Maweja-Nangila mumushe mu Yerushalayime, mutume mu bupika mu Babilone, nuteleje tshidi Maweja-Nangila wamba!

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Yirmeya 48:41

Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Yirmeya 52:27

Ke mukalenga awu kubashipesha anu muaba awu mu ditunga dia Amate. Ke muvuabu bakuate bena Yuda baye nabu kule mu ditunga dia bende.

Osheya 13:13

Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Osheya 2:14

Nengupule mionji yende ya mvinyo, ne mitshi yende ya mfiku, ivuaye wamba ne: “Ke difutu didibu bangonda kudi babayanyi.” Nenshiye miaba yonsu ayi anu tshisuku. Nyama ya mu tshisuku neyipetele biakudia muaba awu.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Mika 5:3

Yeye ke mfumu uvuabu babalaye. Nealombole bantu bende ne muoyi mukole. Nealeje bukole buende, ne butumbi bua Maweja-Nangila, Mvidi Mukulu wende. Bantu ba tshisamba tshiende nebasombe mu ditalala, bualu nebitabe bumfumu buende too ne ku nshikidilu kua buloba.

Didimanyisha 12:14

Kadi mukaji uvua mupete mapuapua abidi bu a nyunyi wa tshiminyi. Kubuukaye nawu mu tshipela too ne ku muaba wende, uvuabu ne bua kumudishila bidimu bisatu ne tshitupa, muaba uvua nyoka kayi mua kumupeta.