Mika 3:3 - MUKANDA WA MYIDI MUKULU

³ Nudi nudia munyinyi wa bantu banyi. Nudi nuvula dikoba diabu, nuzaza mifuba yabu, nukosa munyinyi wabu mabulu mabulu, bu mudibu bakosa munyinyi udibu bela mu luesu.

Mukanda wa Nzambi Dihungila Dikulukulu ne Dihungila Dihia-dihia 2003

³ nudi nudia munyinyi wa bantu banyi, nudi nubula dikoba diabo, nudi nutshibula mifuba yabo, nudi nubakosa mahunda mahunda, bu mudibo benza munyinyi wa kuela mu luesu, ne munyinyi wa nyama mu tshifuadi.

Mika 3:3 교차 참조

Misambu 14:4

Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 27:2

Padi bantu babi banduisha, bakeba kunshipa, amu bobu ke badi batetuka, badishinda panshi.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.

Yeshaya 3:14

Udi ufunda bafidi ba ngenyi, ne bamfumu ba tshisamba tshiende, ku tshilumbu ne: “Nuenu ke badi banyanga budimi buanyi bua mvinyo. Nudi buwuje nzubu yenu, ne bintu binudi banyenga bapele!

Yeshaya 3:15

Nudi nuzaza bantu banyi, nukengesha bapele bua tshinyi? Meme Maweja-Nangila ndi nnuebeja nanku!”

Yezekiyele 11:3

Bantu aba badi bamba ne: “Matuku makuabu kabakuasa kabidi nzubu munemu to! Tshimenga tshidi bu mudi luesu. Tuetu tudi munyinyi muteka munda mua luesu.”

Yezekiyele 24:4

Utekemu mabulu a munyinyi, onsu a munyinyi muimpe wa ku tshibelu ne wa ku diboku. Uluwuje ne mifuba mimpe.

Amosa 8:4

Nuenu badi badiatakaja bakengi, nuenu badi bakeba kushipesha bapele mu ditunga, telejayi tshindi ngamba ne:

Mika 2:8

Kadi nuenu, Maweja-Nangila udi unuambila ne: “Nudi badienza baluishi ba bambi banyi. Bantu badi benda talala mu njila, kabayi benzela bakuabu bibi, nudi nubanyenga tshinkutu tshiabu.

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.