Mika 1:13 - MUKANDA WA MYIDI MUKULU

¹³ Nuenu badi basomba mu Lakishe, suikayi tubalu tuenu ku matempu, nunyeme. Nudi bidikije malu mabi, avua Izrayele muenze. Ke munuvua batombuesha Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Suika makalu ku tubalu tudi tuenda lubilu, wewe muana mukashi udi mushikame ku Lakisha. Wewe wakadi tshibangidilu tshia bubi kudi muana mukashi wa mu Siona, bualu bua bakasangana malu mabi a Bena Isalele kûdi.

Mika 1:13 교차 참조

Genese 19:17

Bobu bamane kupatuka mu ditunga, mutumibue wa Mvidi Mukulu mukuabu kuambila Lote ne: — Nyema, kolesha bua kudipandisha. Kutangidi panyima, kuimanyi pa muaba. Uye kusokoma ku mukuna bua kuvu kubutuka.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

2 Bakalenga 14:19

Bantu ba mu Yerushalayime, kuelela Amashiya tshifufu tshibi. Nanku, Amashiya kunyema, kuya mu musoku wa Lakishe. Kadi, kumulondabu mu musoku awu, kumushipelamu.

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

2 Bakalenga 8:18

Kadi, kuenzaye anu buenzayi bu muvua bakalenga bonsu ba bena Izrayele benza, — kabidi anu bu muvua bena nzubu wa Akabe benza, bualu Yorame uvua musele muana wa Akabe. — Nanku, Yorame kuenza bidi Maweja-Nangila ubenga.

2 Kulondolola 11:9

Adorayime, Lakishe, Azeka,

2 Kulondolola 32:9

Matuku mamane kupita, Senakeribe, mukalenga wa bena Ashure, ne bena mvita bende bonsu, kuela tshimenga tshia Lakishe munkatshi. Pavuabu mu tshimenga atshi, mukalenga Senakeribe kutuma balombodi bakuabu ba bena mvita kudi mukalenga Izkiya, ne kudi bena Yuda bonsu bavua ne mukalenga awu mu Yerushalayime, bua kubambila ne:

Yobe 39:10

Udi mua kumusuika bua kukudiminaye budimi buebe anyi? Udi mua kukoka lukasu luebe ludi lushipa mabuwa mu tshibanda anyi?

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Yeshaya 10:31

Bena mu Mademena badi banyema. Badi basomba mu Ngebime mbaye kusokoma.

Yeshaya 36:2

Nenku patshivua mukalenga wa bena Ashure mu Lakishe, uvua mutume mulombodi kampanda wa bena m vita bende, uvua nende miaba yonsu, mu tshimenga tshia Yerushalayime, kudi mukalenga Izkiya. Muambuluishi wa mukalenga awu uvua ne tshisumbu tshinene tshia bena mvita. Kuimanaye pabuipi ne mukidi wamayi avua apueka ku tshiina tshia m ayi tshivua ku mutu pa mukuna, mu njila wa ku budimi bua Basukudi ba bilamba.

Yeshaya 37:8

Mulombodi wa bena mvita, muambuluishi wa mukalenga wa bena Ashure, kumvuaye lumu lua ne: mfumuende mmumuke mu tshimenga tshia Lakishe, bua kuluisha tshimenga tshia Libna. Nenku kuyaye kumonangana ne mfumuende mu tshimenga atshi.

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Yirmeya 34:7

Tshikondu etshi bena mvita ba mukalenga wa mu Babilone bavua baluisha Yerushalayime ne bimenga bibidi bia Lakishe ne Azeka, bivua mukalenga awu kayi muanji kukuata.

Yirmeya 4:29

Bavua bela lubila ne: “Monayi matempu a mvita, monayi bena mata a mikete!” Bonsu bavua mu bimenga kunyema, kuya kusokoma muitu, kubanda pa mbuebue mu mikuna. Mu bimenga bionsu kushalamu mutupu, kamuyi muntu to.

Yezekiyele 23:11

— Okoliba utua mumone mmuabu banyoke muanabu, kadi mua muenze bibi mupite Okola. Utua wenda tshiendenda mupitshishe.

Mika 1:5

Maweja-Nangila udi ufika bua kulumbuluisha bantu, bualu ndelanganyi ya Yakobe ivua imutombokela, bena Izrayele benza malu mabi. Udi utombuesha bena Izrayele nnganyi? Ke Samariya, tshimenga tshiabu tshikulu! Udi usaka bena Yuda bua batendelele mvidie pa mikuna nnganyi? Ke bena Yerushalayime mene!

Yoshua 10:3

Nanku mukalenga Adoni-Sedeke kubikidisha bakalenga aba: Okame, mukalenga wa mu Ebrone; Pirame, mukalenga wa mu Yarmute; Yafiya, mukalenga wa mu Lakishe; ne Debire, mukalenga wa mu Eglone. Kubambilaye ne:

Yoshua 15:39

Lakishe, Boskate, Eglone,

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.