Matayi 9:2 - MUKANDA WA MYIDI MUKULU

² Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Mukanda wa Nzambi Dihungila Dikulukulu ne Dihungila Dihia-dihia 2003

² Bakalua ne muntu wakadi ne disama dia kaneke mulale ha bulalu; bakatangila Yesu ditabusha diabo, wakambila muena kaneke ne, Muanʼanyi, kolesha mutshima webe, mibi yebe idi mijimishibue.

Matayi 9:2 교차 참조

Muambi 9:7

Nenku udie biakudia biebe ne disanka, unue maluvu ebe ne musangelu, bualu Mvidi Mukulu mmumane kuanyisha biudi wenza.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Matayi 14:27

Diakamue Yezu kubambila ne: — Kanutshinyi. Meme! Koleshayi muoyi!

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Matayi 8:10

Yezu umvua miaku ayi, kukemaye. Kuambilaye bantu bavua bamulonda ne: — Ndi nnuambila bulelela ne: tshiena muanji kumona muntu ne ditaba dia mushindu ewu munkatshi mua bena Izrayele.

Matayi 8:16

Dilolu kutuadilabu Yezu bantu bavule bavuabu batatshisha kudi mikishi mibi. Yezu kuipata mikishi mibi ayi ku bukole bua diyi diende, kujikija kabidi masama a bonsu bavua kabayi bumvua bimpe.

Matayi 9:22

Yezu ukudimuka, umona mukaji awu, kumuambilaye ne: — Muananyi, kolesha muoyi! Disama diebe ndimane kujika, anu bua ditaba diebe! Anu pinapu, disama dia mukaji awu kujikadi.

Matayi 9:5

Tshidi tshitekete mua kuamba ntshinyi: “Mibi yebe mmimane kujimina,” anyi “Juka, enda?”

Matayi 9:6

Kadi ndi musue bua numanye ne: Muana wa muntu udi ne bukole bua kujimija mibi pa buloba. Ke Yezu kuambila muena tuneke ne: — Juka, ambula bulalu buebe, pingana kuebe!

Marke 1:32

Ku dilolu, diba dimane kubuela, bantu kutuadilabu Yezu babedi bonsu ne bavua ne mikishi mibi.

Marke 10:49

Yezu kuimana, kuamba ne: — Mubikilayi. Bobu kubikila mpofu bamuambila ne: — Kolesha muoyi, juka, Yezu udi ukubikila.

Marke 5:34

Yezu kumuambila ne: — Muananyi wa bakaji, ditaba diebe diajikiji disama diebe. Waya bimpe. Disama diebe ndijike.

Marke 6:50

bualu bonsu bavua bamumone bavua bakuatshike buowa. Kadi diakamue Yezu kubambila ne: — Koleshayi muoyi. Mmeme. Kanutshinyi!

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yowanane 2:25

Kasua ukengela bua bamujinguluile malu a bantu. Bualu Yeye nkayende usua mumanye malu adi munda muabu.

Yowanane 21:5

Yezu kubakonka ne: — Bana banyi, nudi bakuate mishipa anyi? Bobu kumuandamuna ne: — To.

Bienzedi 14:9

Uvua muteleje muvua Polu wakula. Polu kumujooja, kumona ne: uvua ne ditaba, utekemena kuenda.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

Bienzedi 23:11

Butuku, Mfumu kumuenekela Polu, umuambila ne: — Kolesha muoyi. Mu Yerushalayime emu, udi muleje bantu muudi ungitaba. Ke muwaya kuenza kabidi ne mu Rome!

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”