Matayi 8:6 - MUKANDA WA MYIDI MUKULU

⁶ wamba ne: — Mfumu, muena mudimu wanyi mmulale mu nzubu ne disama dia tuneke, ukenga bikole.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mukelenge, muntu wanyi udi mulale mu nsubu, udi ne disama dia kaneke, udi ukenga bikole.

Matayi 8:6 교차 참조

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 8:7

Yezu kumuambila ne: — Nenye kujikija disama diende.

Matayi 9:2

Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

Bienzedi 8:7

Bualu mikishi mibi ya bungi ivua mikuate bantu, ivua ipatuka, yela mbila mikole. Bena tuneke bavule ne batebuki bavua basanguluka.

Bienzedi 9:33

Mu musoku amu Petro kusangana muena tuneke, dina diende Eneyase. Ukatua mulale mu bulalu panshi bidimu muanda mukulu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Kolose 4:1

Nuenu bamfumu, enzelayi bapika benu bilenga bionsu binudi ne bua kubenzela. Nuvuluke ne: nuenu kabidi nudi ne Mfumu mu diulu.

1 Timote 6:2

Bapika badi ne bamfumu bena ditaba, kabena ne bua kubapetula, bamba ne: bualu mbana hetu mu ditaba. Kadi badi ne bua kubakuatshila mudimu bimpe bipite, bualu bantu badibu benzela mudimu, mbena ditaba nabu badibu bananga. Ke tshiudi ne bua kumanyisha bantu, kubumvuija kabidi.

Filemone 1:16

Mpindiewu katshiena mupika, kadi mmupite mupika: ukadi muanetu musuibue. Ndi mumunange bikole. Kadi wewe udi ne bua kupita kumunanga, bualu uvua mupika webe, mpindiewu ukadi muanenu munda mua Mfumu.