Matayi 8:4 - MUKANDA WA MYIDI MUKULU

⁴ Pashishe Yezu kumuambila ne: — Teleja bimpe: kuambidi muntu bualu ebu to. Kadi uye kudileja kudi mutuangaji bua ajadike muukadi. Pashishe ulambule mulambu uvua Moshe muambe, bua bantu bonsu bajadike ne: disama diebe ndijike.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yesu wakamuambila ne, Kuambidi muntu bualu ebu, uye biebe, udileshe kudi muakuidi wa Nzambi, ufile tshiakamba Mose bu tshimanyishilu ku mesu kua bantu.

Matayi 8:4 교차 참조

Yeshaya 42:21

Maweja-Nangila uvua musue kupandisha bantu bende. Ke pavuaye ubalongesha mikenji yende minene mimpe.

Lewitiki 13:49

padi makeji awu amueneka makunzubile, nansha a mayi a matamba, mutuangaji neakenkete butu abu.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Matayi 16:20

Pashishe Yezu kukandika balongi bende bua kabambidi muntu ne: Yezu udi Kristu.

Matayi 17:9

Patuabu bapueka ku mukuna, Yezu kubakandika ne: — Kanuambidi muntu malu anudi bamone aa, too ne pabika Muana wa muntu ku bafue.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Matayi 5:17

— Kanuedi meji ne: ndi mulue bua kubenga mikenji ya Moshe, nansha dilongesha dia bambi. Tshiena mulue kubibenga, kadi kubikolesha.

Matayi 6:1

— Dimukayi: kanuenji malu enu mimpe bua mesu a bantu, bua kunumonabu. Nuenu benze nanku, Tatu wenu udi mu diulu kena unufuta to.

Matayi 9:30

Mesu abu kutabala. Yezu kubakandika ne diyi dikole ne: — Telejayi bimpe: muntu kamanyi bualu ebu to.

Marke 13:9

“Kadi nuenu, dimukayi. Bualu bantu nebanufikishe ku tubadi. Bantu nebanututshishile mitshi mu nzubu ya kutendelela ya bena Yuda. Nenuimane kumpala kua balombodi ba buloba ne kua bakalenga, bua kubajadikila bimvua muambe.

Marke 3:12

Kadi Yezu uvua uyikanyina bikole bua kayimusokolodi kudi bantu.

Marke 5:43

Kadi Yezu kubakandika bikole bua kabalondedi muntu bualu. Pashishe kubambilaye ne: — Mupeshayi biakudia.

Marke 6:11

Padi miaba mikuabu bantu babenga mua kunuakidila nansha kunuteleja, numuke muaba awu, nututule lupuishi lua mu makasa enu, bua lushale kubavuluija tshiyuabu benze.

Marke 7:36

Yezu kukandika bantu bonsu bua kabambidi muntu bualu ebu. Kadi pavuaye ubakandika bualu, ke pavuabu benda babuambila bantu kabidi.

Marke 8:30

Yezu kubakanyina bikole bua kabambidi muntu nansha umue.

Marke 9:9

Pavuabu bapueka pa mukuna, Yezu kubakandika ne: — Kanuambidi muntu nansha umue, binuvua bamone too ne padi Muana wa muntu ubiika ku lufu.

Luke 17:14

Yezu ubamona, kubambilaye ne: — Nuye kudi batuangaji, banukenkete. Patshivuabu mu njila, disama diabu kujika.

Luke 21:13

Tshikondu atshi ke tshinudi mua kujadikila bantu bimvua munuambile.

Luke 4:41

Mikishi mibi kabidi ivua ipatuka munda mua babeedi bavule, yela mbila ne: “Wewe udi Muana wa Mvidi Mukulu!” Kadi Yezu uvua uyikanyina, uyikandika bua kayakudi, bualu ivua mimanye ne: Yezu udi Kristu, Musungidi mutulaya.

Luke 5:14

Ke Yezu kumukandika ne: — Kuena mua kuambila muntu bualu ebu to! Kadi uye kudi mutuangaji bua akukenkete. Pashishe ulambule mulambu wa kudikobolola uvua Moshe mufunde, bua bantu bonsu bajadike ne: ukadi mupande.

Luke 8:56

Baledi bende bavua bakema bikole. Kadi Yezu kubakandika bua kabambidi muntu bivua bienzeka.

Luke 9:21

Yezu uvua mukandike balongi bikole, bua kabambidi muntu nansha umue bualu ebu.

Yowanane 5:41

Meme tshiena nkeba bua bantu bantumbishe.

Yowanane 7:18

Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to.

Yowanane 8:50

Tshiena ndikebela butumbi nansha. Kadi kudi mukuabu udi ubunkebela, ukosa kabidi nsambu.