Matayi 8:2 - MUKANDA WA MYIDI MUKULU

² Muena nsudi kusemena kudiye, kutua binu kumpala kuende, wamba ne: — Mfumu, bu wewe musue, udi mua kujikija disama dianyi.

Mukanda wa Nzambi Dihungila Dikulukulu ne Dihungila Dihia-dihia 2003

² Muena nsudi wakalua kudiye, wakamukukuila, ne, Mukelenge, biwasua, udi mumanye mua kundengesha.

Matayi 8:2 교차 참조

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

2 Bakalenga 15:5

Nanku, Maweja-Nangila kusamisha Azariya bikole. Mukalenga kupeta disama dia nsudi. Kushalaye nadi too ne ku lulu luende. Azariya uvua ne bua kusomba anu ku luseke pa nkayende. Muanende wa balume Yotame, uvua mulombodi wa nzubu wa bukalenga. Ke uvuabu bapesha mudimu wa kulombola ditunga.

2 Bakalenga 5:1

Mukalenga wa bena Siriya, uvua ne mfumu mulombodi wa bena mvita bende, dina diende Namane. Mukalenga wa bena Siriya uvua usanka bua bionsu bivua Namane wenza. Kabidi uvua wenzela Namane bimpe, bualu Maweja-Nangila uvua mupeshe Namane bukole, bua bena Siriya bamone mua kutshimuna baluishi babu. Nanku, Namane ewu, uvua tshilobu tshia mvita tshia kalanda-musenga, kadi uvua ne disama dia nsudi.

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

Dibadika 12:10

Divuba kumuka ku musonga wa ntenta. Miriyame kupeta disama dia nsudi, mitoke too bu mudi busu bua ndanda. Arone umutangila, kujadikaye ne: Miriyame udi ne disama dia nsudi.

Matayi 10:8

Nujikije masama a babedi, nubishe bafue, numushe nsudi ya badi nayi, nuipate mikishi mibi. Bavua banupa bionsu tshianana, nupangane kabidi tshianana.

Matayi 13:58

Yezu kuenzamu amu bishima bikese, bualu kabatua ne ditaba to.

Matayi 14:33

Nanku balongi bavua mu buatu kutuila Yezu binu panshi, bamba ne: — Udi Muana wa Mvidi Mukulu bulelela!

Matayi 15:25

Kadi mukaji awu kudiela panshi kumpala kuende, umuamba e: — Mfumu, ungambuluishe!

Matayi 18:26

Kadi muena mudimu awu kutua binu kumpala kua mukalenga wende, umusengelela ne: “Tukija, nenkufute bionsu!”

Matayi 2:11

Kubuelabu mu nzubu, kumonabu muana ne mamuende Mariya. Kutuabu binu panshi bua kukukuila muana. Pashishe kusululabu mabuki abu, kupeshabu muana bintu bivuabu bamutuadile: tshiamu tshia mpawungi, musenga wa kamonya, ne manananshi.

Matayi 20:20

Ke mukaji wa Zebede kusemena ne bana bende kudi Yezu. Kudielaye panshi, bu muntu udi musue kulomba tshintu.

Matayi 26:6

Yezu uvua mu nzubu mua Simone, muena nsudi, mu Betanya.

Matayi 28:17

Pavuabu bamumone, bavua bamukukuila. Kadi bamue ba kudibu batshivua belakana.

Matayi 28:9

Diakamue Yezu kusambakena nabu, wamba ne: — Bupole buikale nenu. Kusemenabu pabuipi nende, kumupukila ku makasa, kumukukuila.

Matayi 4:9

umuambila ne: — Nenkupe bionsu ebi, anu pawikala muntuile binu bua kunkukuila.

Matayi 8:1

Yezu upueka ku mukuna, bantu musumba munene kumulonda.

Matayi 8:25

Balongi bende kumubisha, bamuambila ne: — Mfumu, utusungile, tudi mua kufua!

Matayi 9:18

Patshivua Yezu ubambila malu awu, mfumu kampande wa bena Yuda kufika. Kutuaye binu kumpala kua Yezu, umuambila ne: — Muananyi wa bakaji utshidi ukula muoyi amu mpindiewu. Katuye, umutenteke tshianza. Nanku neapete muoyi.

Luke 4:27

Mu tshikondu tshia muambi Elisha, muvua kabidi bena nsudi bavule mu Izrayele. Kadi nansha umue wa kudibu kabena bajikija disanka diende, kadi anu dia Naamane wa mu ditunga dia Siriya.

Yowanane 9:38

Muntu awu kuamba ne: — Mfumu, ndi ngitaba. Kutuaye binu panshi kumpala kua Yezu.

Bienzedi 10:14

Ke Petro kuandamuna ne: — Mfumu, tshiena mua kuenza nanku to! Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.

Bienzedi 10:25

Amu Petro ubuela mu nzubu, Korneliyuse kumuakidila, kudiela ku makasa ende, kumuela muoyi ne kanemu ka bungi.

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.