Matayi 7:2 - MUKANDA WA MYIDI MUKULU

² Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Mukanda wa Nzambi Dihungila Dikulukulu ne Dihungila Dihia-dihia 2003

² Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Matayi 7:2 교차 참조

2 Samuele 21:5

Bena Ngibone kumuambila ne: — Shawule uvua musue kutujikija bonsu, kutubutula. Kavua musue bua muntu wa kutudi nansha umue ashale mu buloba bua bena Izrayele to.

Misambu 109:17

Uvua utshipa bantu: mulawu umukuate! Kavua wela bantu lupemba: yeye kabidi kabamuedi lupemba!

Ekesode 21:24

Mushipianganyi wa disu, bamushipe diende. Mupodianganyi wa dinu, bamupole diende. Mukoshanganyi wa tshianza, bamukose tshiende. Mukoshanganyi wa dikasa, bamukose diende.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Yirmeya 34:17

Yirmeya kuamba kabidi ne: — Maweja-Nangila udi wamba ne: “Yonsu wa kunudi uvua ne bua kuanyisha bua mupika wende, muanabu nansha muena mutumba nende, aye mudiye musue. Kadi kanuena bangitabe to. Nanku, meme Maweja-Nangila ndi ngamba ne: Nennutumine mvita, tshiyole tshia nzala, ne disama dia tshiambu. Nenku makalenga onsu a pa buloba neikale ne bowa padiwu amona bidi binuenzekela.

Yirmeya 51:24

Kadi Maweja-Nangila udi wamba ne: Mpindiewu nenumone mundi mpingajila bena Babilone malu mabi onsu avuabu benzela Siyone.

Obadya 1:15

Bualu dituku, dindi meme Maweja-Nangila ndumbuluisha bantu bonsu, dikadi pa buipi. Nanku nebanuenzele bionsu binuvua benzele bantu bakuabu. Bubi buenu nebunupinganyine.

Matayi 6:14

Nanku panudi nufuila bantu bakuabu luse, bua malu mabi adibu banuenzela, Tatu wenu udi mu diulu neanufuile penu luse.

Marke 4:24

Yezu kubambila kabidi ne: — Nuadimuka panudi numvua bualu! Mvidi Mukulu neanupime ne tshipimu tshinudi nupima natshi bakuabu, nebanusakidile tshikuabu kabidi.

Luke 6:38

Nupeshe bakuabu bintu, nanku Mvidi Mukulu neanupeshe kabidi. Nebanuelele pa tshilamba bintu bipima bimpe, bishindika, bisekenkeja, biya ne panshi. Nuenzele bantu bimpe ne muoyi wa kalolu. Nanku Mvidi Mukulu neanupe mapa ende ne muoyi wa momumue.”

2 Korente 9:6

Vulukayi ne: udi umiamina bikese, neanowe bikese; udi umiamina bia bungi, neanowe bia bungi.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Didimanyisha 18:6

Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.

Balombodi 5:27

Sisra kudishinda kumpala kua Yayele, kushalaye mutandabale panshi ku makasa ende. Sisra kudishinda, kupona panshi, kufua kashidi.

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.