Matayi 4:4 - MUKANDA WA MYIDI MUKULU

⁴ Yezu kuandamuna ne: — Mukanda wa tshijila udi wamba ne: “Muntu kena ne muoyi anu bua mampa nkayawu, kadi nangananga bua diyi dionsu didi Mvidi Mukulu wamba.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi yeye wakamuandamuna ne, Bakafunda dî ne, Muntu kikadi biandi ne muoyo bualu bua bidia nkayabi, ikale hiandi nʼau bualu bua mei onso adi aluhuka mukana mua Nzambi.

Matayi 4:4 교차 참조

Ekesode 16:15

Kadi, bu muvua bena Izrayele kabayi bamanye bintu abi, kukonkanganabu ne: — Etshi ntshinyi? Moshe kubambila ne: — Bintu ebi mmampa adi Maweja-Nangila munutumine bua nuenu kudia.

Ekesode 16:35

Bena Izrayele kudia mana awu bidimu makumi anayi, too ne ku difika diabu mu ditunga divua bantu base, nanku too ne papitabu ku mikalu ya ditunga dia Kenaane.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Matayi 4:7

Yezu kumuandamuna ne: — Mukanda wa tshijila udi wamba kabidi ne: “Kutetshi Maweja-Nangila Mvidi Mukulu webe to.”

Marke 7:20

Yezu kubambila kabidi ne: — Tshidi tshipatuka munda mua muntu ke tshidi tshimunyanga.

Luke 4:12

Yezu kumuandamuna ne: — Mukanda wa Mvidi Mukulu udi wamba ne: “Kutetshi Maweja-Nangila Mvidi Mukulu webe.”

Luke 4:4

Yezu kumuandamuna ne: — Mukanda wa Mvidi Mukulu udi wamba ne: “Muntu kena ne muoyi anu bua diampa nkayadi.”

Luke 4:8

Yezu kumuandamuna ne: — Mukanda wa Mvidi Mukulu udi wamba ne: “Kukuila Maweja-Nangila Mvidi Mukulu webe, umuenzele anu yeye nkayende mudimu.”

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

Efeze 6:17

Tshienu tshifulu tshinudi nuasa, ke dijadika dia ne: netupande. Muaku wa Mvidi Mukulu, ke muele wa mvita udi Mueyelu wa Tshijila unuteka mu bianza.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.