Matayi 4:2 - MUKANDA WA MYIDI MUKULU

² Yezu mumane kupitshisha matuku makumi anayi a munya ne butuku kayi udia, kushishaye kumvua nzala.

Mukanda wa Nzambi Dihungila Dikulukulu ne Dihungila Dihia-dihia 2003

² Hakajileye bia kudia minya makumi anai ne mafuku makumi anai, wakadi ne nsala.

Matayi 4:2 교차 참조

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

Ekesode 24:18

Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Ekesode 34:28

Moshe kushala muaba uvua Maweja-Nangila matuku makumi anayi a munya ne a butuku, kayi udia, kayi unua, ufunda anu mikenji dikumi ivua ijadika ndondu wa diulu vuangana diabu.

Matayi 21:18

Butshia dinda, pavua Yezu upingana mu tshimenga, kumvuaye nzala.

Matayi 25:35

Bualu mvua ne nzala, nuenu kumpesha tshiakudia. Mvua ne nyota, nuenu kumpesha tshiakunua. Mvua muenyi, nuenu kumbueja mu nzubu muenu.

Matayi 25:42

Bualu mvua ne nzala, nuenu nansha kumpesha tshiakudia: Mvua ne nyota, nuenu nansha kumpesha tshiakunua.

Marke 11:12

Butshia, bobu bamane kumuka mu Betanya, Yezu kumvua nzala.

Luke 4:2

Diabolu kumutetamu matuku makumi anayi. Munkatshi mua matuku awu, Yezu kavua udia kantu nansha kamue. Nanku matuku aa mamane kupita, kumvuaye nzala.

Yowanane 4:6

Mu musoku awu muvua tshiina tshia mayi tshia Yakobe. Yezu uvua mupungile ne luendu. Kusombaye ku muelelu wa tshiina etshi. Diba dikavua bu pa dikumi ne ibidi ya munda munya.

Dielulula 18:18

Nanku nembatumine muambi wa munkathi mua bana babu, bu muudi wewe Moshe. Nengikale mmuambila malu, yeye umanyisha bena Izrayele bionsu bingikala mumumanyishe.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Dielulula 9:25

Pavua Maweja-Nangila musue kunubutula, meme kudiela panshi kumpala kuende, kushala nanku matuku makumi anayi a munya ne a butuku.

Dielulula 9:9

Meme Moshe mvua mubande ku mukuna bua kuangata mabue, avua ne mikenji ya ndondu wenu ne Maweja-Nangila. Meme kulalaku matuku makumi anayi a munya ne a butuku, tshiyi mua kudia nansha kunua.