Matayi 3:7 - MUKANDA WA MYIDI MUKULU

⁷ Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Matayi 3:7 교차 참조

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Nsumuinu 28:4

Badi kabayi balonda mikenji ya Mvidi Mukulu badi batumbisha bantu babi. Kadi badi bayilonda badi badiwula bantu abu.

Yeshaya 59:5

Malu anudi bela meji bua kuenza, adi amu mabi bu makela a nyoka. Muntu udi walenga, udi ufuilaku diakamue. Dikela diodi ditayike, didi dipatula nyoka wa ntoka. Malu anudi nuenza adi amu bu buntande:

Yirmeya 51:6

Umukayi mu Babilone nunyeme lubilu bua nupande. Kabanushipi nuenu, bua bilema bia bena Babilone. Maweja-Nangila udi udisombuela. Ke tshikondu tshidiye upingajila bena Babilone, bibi bionsu bivuabu benza.

Yirmeya 6:10

Udi mua kunteleja nnganyi? Bena Yerushalayime badi ne matshi mapate. Kabena basue kuteleja ne ntema to. Maweja-Nangila bionsu biudi ubambila, badi babiangata mu bilele, babibenga kashidi.

Matayi 12:24

Kadi Baparushe bumvue muvua bantu aba bamba, kuambabu ne: — Muntu ewu udi wipata mikishi mibi, amu bualu mmupete bukole kudi Belzebule, mfumu wa mikishi mibi!

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

Matayi 15:12

Ke balongi kusemena kudi Yezu, bamukonka ne: — Udi mumanye muvua Baparushe bafike munda pa kumvua muuvua wakula anyi?

Matayi 16:1

Baparushe ne Basaduke kuya kudi Yezu bua kumuteta. Bavua bamulomba bua abaleje ne tshishima mudi bumfumu buende bufume kudi Mvidi Mukulu.

Matayi 16:6

Yezu kubambila ne: — Dimukayi, kanuangatshi buanga bua mampa bua Baparushe ne Basaduke.

Matayi 22:15

Diba adi Baparushe kubuela mu tshipangu, kushindika mua kukuata Yezu mu buteyi ku miaku yende.

Matayi 22:23

Dituku adi mene, Basaduke bakuabu kufika kudi Yezu. (Ke bantu badi bamba ne: bafue kabena babika). Kukonkabu Yezu ne:

Matayi 22:34

Baparushe bumvue ne: Yezu mmushikije Basaduke, kudisangishabu pabu.

Matayi 23:33

Nudi nyoka, kabidi bana ba nyoka! Nudi nuela meji ne: nenupanduke ku kapia ka tshinyangu anyi?

Matayi 5:20

Ndi nnujadikila ne: nenubuele mu Bukalenga bua mu diulu, amu panudi nutumikila ku mikenji ya Mvidi Mukulu, bapite balongeshi ba mikenji, ne Baparushe.

Marke 12:13

Kutuminabu Yezu bamue Baparushe ne bamue bantu ba mu tshisumbu tshia bena Erode bua kumuteta.

Marke 12:18

Basaduke bakuabu kuya kudi Yezu. (Bobu ke badi balongesha bantu ne: bafue kabena mua kubiika ku lufu). Kumukonkabu ne:

Marke 8:15

Yezu kubabela ne: — Nuadimuka bikole, nuepuke buanga budi butuntumuna mampa bua Baparushe ne Erode!

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Luke 7:30

Kadi Baparushe ne balongeshi ba mikenji bavua babenga tshivua Mvidi Mukulu mubalongoluele. Nanku kabavua basue bua Yowanane abatue mu mayi.

Yowanane 1:24

Ku bantu bavuabu batumine Yowanane, kuvua Baparushe.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Yowanane 9:40

Bamue ba ku Baparushe bavua nende bumvua nanku, kumukonkabu ne: — Tuetu kabidi tudi bampofu anyi?

Bienzedi 15:5

Kadi bantu bakuabu ba luseke lua Baparushe bakavua bamane kubuela mu Tshisumbu tshia bena ditaba, kujukabu, bamba ne: — Bateke bantu ba bisamba bikuabu panshi, babambile kabidi bua bakumbaje mikenji ya Moshe.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

Bienzedi 26:5

Nanku badi bammanye kale. Bu bobu basue, badi mua kujadika ne: ndi Muparushe, muena tshisumbu tshia bantu badi bakumbaja bimpe bitambe malu a ditaba dietu.

Bienzedi 5:17

Diba adi mutuangaji munene ne bantu bonsu bavuaye nabu, ke bena tshisumbu tshia Basaduke, kufikila bapostolu munda. Kushindikabu mua kuenza bualu.

Rome 1:18

Bualu Mvidi Mukulu udi ufikila munda mu diulu, bua bubi buonsu ne malu mabi onsu, bidi bantu benza ku buenzavi buabu, bakandika bulelela bua kabukuatshi mudimu pa wowu.

Rome 5:9

Ku mulambu wa Kristu, ke kutudi babingile mpindiewu ku mesu kua Mvidi Mukulu. Nangananga tuetu bamane kubinga nanku, Yezu Kristu neatusungidile bulelela ku dinyoka dia Mvidi Mukulu.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.