Matayi 3:6 - MUKANDA WA MYIDI MUKULU

⁶ Bantu abu bavua batonda mibi yabu, bantu bonsu bumvue. Nanku Yowanane uvua ubatua mu mayi a Yardene.

Mukanda wa Nzambi Dihungila Dikulukulu ne Dihungila Dihia-dihia 2003

⁶ bakabadibua kudiye mu musulu wa Yadene, batonda mibi yabo.

Matayi 3:6 교차 참조

Ezela 10:1

Pavua Ezra mutue binu panshi, udila kumpala kua nzubu wa tshijila, utendelela Mvidi Mukulu, umulomba dilekela, bena Izrayele ba bungi, balume, bakaji ne bana, bavua pabuipi nende, badila bonsu bikole.

Misambu 32:5

Kadi mpindiewu ndi mukutondele bubi buanyi, tshiena mukusokoke bilema bianyi. Mvua muambe ne: “Ndi muena tshibawu, ndi ne bua kutondela Maweja-Nangila bimvua muenze.” Ke wewe kumusha tshibawu tshia mibi yanyi.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Danyele 9:4

Meme kutendelela Maweja-Nangila, Mvidi Mukulu wanyi, mmutondela mibi yanyi: “Eyi, Maweja-Nangila Mvidi Mukulu munene, udi ukuatshisha bantu bowa, udi ulama ndondu yebe ne bonsu badi batumikila mikenji yebe, udi ne diyi dimue kudi bonsu badi bakunanga.

Lewitiki 16:21

Atenteke bianza biende bibidi pa mutu pa mbuji awu, utonda pambidi pende mibi yonsu, buntomboji ne buenzayi bua bena Izrayele. Udi ubiumpuila mbuji awu. Pashishe badi basungula muntu udi ne bua kuipata mbuji awu, kumutuma mu tshipela.

Lewitiki 26:40

“Kadi badi bashala ne muoyi abu, nebashishe kujadika muvuabu bangenzele bibi bitambe, ne mudibu, bobu ne bankambua babu, bantombokela.

Dibadika 5:7

Udi ne bua kutonda bubi buende, kupingaja tshintu atshi kudi muenatshi, kusakidila kabidi tshia bitanu tshimue tshia mushinga wa tshintu atshi.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Marke 1:5

Bantu bonsu ba mu ditunga dia Yudeya ne bena mu tshimenga tshia Yerushalayime bavua baye kudiye, batonda patoke mibi yabu. Yowanane uvua ubatua mu mayi a mu musulu wa Yardene.

Luke 1:16

Neapingaje bena Izrayele bavule kudi Maweja-Nangila Mvidi Mukulu wabu.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Bienzedi 1:5

Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Bienzedi 11:16

Meme kuvuluka muvua Mfumu muambe ne: “Yowanane uvua mutue bantu mu mayi. Kadi nuenu nebanutue munda mua Mueyelu wa Tshijila.

Bienzedi 19:18

Bantu ba bungi ba ku bavua bitabe, kutondabu patoke malu mabi avuabu benze.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

1 Korente 10:2

Bu muvuabu bapitshile mu divuba ne mu mayi manene, mbamane kubatua bonsu mu mayi, bua bikale balongi ba Moshe.

Kolose 2:12

Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.

Ebrewu 6:2

muvuabu balongeshe mishindu mishilangane ya kutua bantu mu mayi, ne mishindu idibu batenteke bianza, muvuabu banumanyishe dibika dia bafue ne tshilumbuluilu tshia tshiendelele.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.