Matayi 3:2 - MUKANDA WA MYIDI MUKULU

² wamba ne: — Kudimunayi mioyi yenu, bualu Bukalenga bua mu diulu budi pabuipi!

Mukanda wa Nzambi Dihungila Dikulukulu ne Dihungila Dihia-dihia 2003

² Kudimunai mitshima yenu; bualu bua bukelenge bua mu diulu budi hehi.

Matayi 3:2 교차 참조

1 Bakalenga 8:47

Nanku, mu ditunga dikale bena Izrayele baye mu bupika amu, padibu badiela meji, badikonka, batuadija kukutendelela, bamba ne: ‘Tuvua bakutombokela Maweja-Nangila, benza bibi. Tudi bena tshibawu!’

Yobe 39:12

Udi mua kutekemena kudiye bua apingane pa mbelu ne ntete ya kuenza bukula, bua afikishe biudi unowa mu mayeba ebe anyi?

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Matayi 10:7

Panuaya, nulongeshe bantu, nubambile ne: “Bukalenga bua mu diulu bukadi pabuipi!”

Matayi 11:20

Pashishe Yezu kutuadija kudiwula bena bimenga bavua bamone bishima bivule bivua-ye muenze, bualu kabavua badilengeja to. Ke Yezu kuambila bimenga ebi ne:

Matayi 12:41

Dituku didi Mvidi Mukulu ukosa nsambu, bena Ninive nebabike bua kufunda bena lelu ku tshilumbu. Bualu bena Ninive bavua badilengeja pavuabu bumvua dilongesha dia Yona. Kadi apa padi muntu udi mupite Yona.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 13:24

Yezu kubelela lusumuinu lukuabu ne: — Bukalenga bua mu diulu mbufuanangane ne muntu uvua mumiamine ntete mimpe mu budimu buende.

Matayi 13:31

Yezu kubelela lusumuinu lukuabu ne: — Bukalenga bua mu diulu mbufuanangane ne lutete lua mutshi wa lusanga, luvua muntu muele mu budimi buende.

Matayi 13:33

Yezu kubelela lusumuinu lukuabu ne: — Bukalenga bua mu diulu mbufuanangane ne buanga bua mampa budi mukaji wangata, usangisha mu bukula kilo makumi abidi ne itanu, bua ditapi dionsu kutuntumukadi.

Matayi 13:47

— Bukalenga bua mu diulu mbufuanangane ne bukondu buvuabu bela mu dijiba dia mayi. Kukuatabu mishipa ya mishindu yonsu.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Matayi 18:23

Bualu Bukalenga bua mu diulu budi mushindu ewu: Mukalenga wa ditunga uvua mushindike mua kubadika bintu biende bivua kudi bena mudimu bende.

Matayi 20:1

— Umvuayi: Bukalenga bua mu diulu mbufuanangane ne muena budimi uvua mumuke kuende ne dinda dionsu, bua kuangata bantu ku mudimu, bua badime budimi buende bua nwinyo.

Matayi 22:2

— Bukalenga bua mu diulu mbufuanangane ne mukalenga wa ditunga, uvua mulongoluele muanende wa balume didia dinene dia dibaka.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Matayi 25:1

— Nenku Bukalenga bua mu diulu nebufuanangane ne mishikankunde dikumi, ivua miangate miendu yayi, bua kuya kuakidila muntu uvua mubuele mu dibaka dituku adi.

Matayi 25:14

— Bidi bu muntu uvua ukeba kuya ku luendu. Kubikilaye bena mudimu bende. Kubashilaye bintu biende.

Matayi 4:17

Biangatshile tshikondu atshi, Yezu kutuadija kulongesha bantu, wamba ne: — Kudimunayi mioyi yenu, bualu Bukalenga bua mu diulu bukadi pabuipi.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Matayi 5:10

Bantu badibu bakengesha bua padibu benza tshidi Mvidi Mukulu musue, ke bena diakalenga, bualu Bukalenga bua mu diulu budi buabu!

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Matayi 6:10

Bukalenga buebe bufike; biudi musue bienzeke pa buloba, bu mudibi bienzeka mu diulu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Marke 1:15

Uvua wamba ne: — Diba divuabu bafunde diakumbanyi, ndimane kukumbana. Bualu Bukalenga bua Mvidi Mukulu bukadi pabuipi. Kudimunayi nsombelu yenu, itabayi Lumu lua Disanka.

Marke 1:4

Ke muvua Yowanane mumueneke mu tshipela nanku, uvua utua bantu mu mayi, wela diyi ne: — Kudimunayi nsombelu wenu, banutue mu mayi, Mvidi Mukulu neanujimijile mibi yenu.

Marke 6:12

Balongi kuyabu kulongesha bantu: bua balengeje nsombelu yabu.

Luke 1:16

Neapingaje bena Izrayele bavule kudi Maweja-Nangila Mvidi Mukulu wabu.

Luke 11:20

Kadi meme ndi ngipata mikishi mibi amu ku bukole bua Mvidi Mukulu. Ke bidi bileja ne: Bukalenga bua Mvidi Mukulu mbumane kufika kunudi.

Luke 13:3

Nansha kakese! Kadi ndi nnuambila ne: panudi kanuyi nudilengeja, nenufue bonsu momumue!

Luke 13:5

Nansha kakese! Kadi ndi nnuambila ne: panuikala kanuyi nudilengeja, nenufue bonsu momumue!

Luke 15:10

Ndi nnuambila ne: ke mudi batumibue ba Mvidi Mukulu basanka bua muena malu mabi udi udilengeja.

Luke 15:7

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Luke 16:30

Muena biuma ne: “Tatu Abrahame, ebi kabiena bikumbane to. Kadi pikala muntu mubiike ku bafue, muye kumonangana nabu, nebadilengeje.”

Luke 21:31

Nanku nuenu kabidi, panuamona bionsu ebi bienzeka, nenumanye ne: Bukalenga bua Mvidi Mukulu bukadi pabuipi.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Luke 6:20

Ke Yezu kutangila balongi bende, ubambila ne: “Nuenu bapele nudi bena diakalenga, bualu nenuikale ne Mvidi Mukulu mu Bukalenga bupiabupia!

Luke 9:2

Kubatumaye bua baye kulongesha malu a Bukalenga bua Mvidi Mukulu, ne bua bajikijile babeedi masama.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

2 Korente 7:10

Padi Mvidi Mukulu ukuata mudimu ne dibungama dietu, udi utuambuluisha bua tudilengeje, tupete lupandu. Ke patudi katuyi mua kunyingalala nansha. Kadi patudi tubungama tujinga bia panu, tudi tukeba lufu.

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Ebrewu 6:1

Nenku, tutungunukayi ne malongesha a bantu bakole. Tulekele malongesha a kumpala adi atangila malu a bena Kristu. Katu-nuvuluiji malu manene anukadi balonge: munudi ne bua kubenga midimu mibi yonsu, kabidi kuitaba Mvidi Mukulu,

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

Didimanyisha 2:21

Mvua muanji kumutangila mutantshi, bua adilengeje. Kadi kena musue kulekela malu ende a bundu to.

Didimanyisha 2:5

Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.