Matayi 24:3 - MUKANDA WA MYIDI MUKULU

³ Yezu uvua musombe ku mukuna wa mitshi ya Olive. Ke balongi bende kusemena kudiye bobu nkayabu, bamukonka ne: — Utuambile: malu awu neenzeke diba kaayi? Nebimanye bishi ne: ukadi pa kufika, kabidi ne: ndekelu wa buloba ukadi ukumbana?

Mukanda wa Nzambi Dihungila Dikulukulu ne Dihungila Dihia-dihia 2003

³ Hakadiye ushikama ku mukuna wa Oleve, bayidi bakalua kudiye nkayabo, bakamukonka ne, Utuambile dituku dialua malu â; utuambile tshimanyinu tshia hawalua tshiakabidi; ne tshia kunshikidilu kua tshikondo etshi.

Matayi 24:3 교차 참조

Matayi 13:36

Nenku Yezu kumuka pavua bantu, kuya mu nzubu. Balongi bende kusemena kuvuaye, kumulomba ne: — Utumvuije lusumuinu lua lupela ludi mu budimi abu.

Matayi 13:49

Ke muenzekabi dituku dia nshikidilu nanku. Batumibue ba Mvidi Mukulu nebavue kutapulula babi eku, bempe kuaka.

Matayi 15:12

Ke balongi kusemena kudi Yezu, bamukonka ne: — Udi mumanye muvua Baparushe bafike munda pa kumvua muuvua wakula anyi?

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Matayi 16:28

Bulelela, ndi nnuambilamu ne: bamue batudi nabu apa, kabakufua kabayi bamona Muana wa muntu ufika mu Bukalenga buende.

Matayi 17:19

Nanku balongi kusemena kudi Yezu pa nkayabu, bamukonka ne: — Tuetu tuvua bapange kupatula mukishi mubi ewu bua tshinyi?

Matayi 21:1

Yezu ne balongi bende basemena mu Yerushalayime, kufikabu pabuipi ne musoku wa Betfaje, ku mukuna wa Olive. Yezu kutuma balongi bende babidi,

Matayi 24:27

Bu mudi muele wa mvula upenya, umuka kudi diba dipatukila, umueneka diakamue ne kudidi dibuelela, ke muafika Muana wa muntu nanku.

Matayi 24:30

Tshimanyinu tshia Muana wa muntu netshimueneke mulu. Bisamba bionsu bia pa buloba nebidile miadi. Nebimone Muana wa muntu utuluka mu mavuba, ne bukole bua bungi, kabidi ne butumbi buonsu.

Matayi 24:37

Muvuabi bienzeka mu matuku a Nowa, ke muikalabi kabidi dituku didi Muana wa muntu ufika.

Matayi 24:39

Bantu kabavua bajingulule bivua bienzeka. Kupapukilabu amu pasua mvula mukole mupite ubanga kuloka, ubabutula bonsu. Ke muafika Muana wa muntu.

Matayi 24:43

Numanye bimpe ne: bu muena nzubu mudianze kumanya diba didi muivi mua kufika butuku, neashale mutabale. Kakumulekela upanda nzubu wende to.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Luke 21:7

Ke bantu abu kukonka Yezu ne: — Mulongeshi, bionsu ebi nebienzeke diba kaayi? mBishi mutuamanya ne: tshikondu tshidi ebi ne bua kuenzeka ntshimane kufika?

Bienzedi 1:7

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.