Matayi 18:8 - MUKANDA WA MYIDI MUKULU

⁸ Pikala tshianza tshiebe, nansha dikasa diebe, bikuenzeja bubi, ubikose, ubimanshe mutantshi mule. Mbipite buimpe ubuele mu muoyi ne tshianza tshimue, nansha ne dikasa dimue, pa mutu pa wewe kuikala ne bianza bibidi, kabidi ne makasa abidi, bakuele mu kapia ka kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Biakulenduisha tshianza tshiebe, anyi dikasa diebe, watshikosa, watshimasha; bua wewe kubuela mu muoyo ne tshilema ne kuzobela kudi kutamba bua wewe kuimashibua mu kahia ka tshiendelele ne bianza bibidi ne makasa abidi.

Matayi 18:8 교차 참조

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Luke 14:33

Nanku ndi nnuambila ne: muntu nansha umue wa kunudi, kena mua kuikala mulongi wanyi, padiye kayi mubenge bionsu bidiye nabi.

Luke 16:24

Nanku kuelaye diyi ne: “Tatu Abrahame, ungumvuileku luse. Tuma Lazare, atue lusongu lua munu wende mu mayi, bua kuntalaja pa ludimi. Bualu ndi nkengakana bikole mu kadilu aka.”

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.