Matayi 18:3 - MUKANDA WA MYIDI MUKULU

³ wamba ne: — Ndi nnujadikila ne: nuenu kanuyi bandamuke, badienze bu bana, kanuakubuela mu Bukalenga bua mu diulu to.

Mukanda wa Nzambi Dihungila Dikulukulu ne Dihungila Dihia-dihia 2003

³ wakamba ne, Bulelela, ndi nuambila ne, Binuikala kanui nukudimuna mitshima yenu, binuikala kanui nulua bu bana bakese, kanuena nubuela mu bukelenge bua mu diulu bulelela.

Matayi 18:3 교차 참조

Misambu 131:2

Kadi ndi mutukije, mushale mupuwe, bu mudi muana mutekete musombe padi mamuende. Bu mudi muana musombe mupuwe ke mundi meme.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Matayi 13:15

Bualu bena tshisamba etshi mbapapishe muoyi wabu, mbadijike matshi, mbabuikile mesu. Bu bobu kabayi benza nanku, mesu abu avua mua kumona, matshi abu avua mua kumvua, lungenyi luabu luvua mua kujingulula malu. Nanku bavua mua kupingana kundi, Meme kujikija masama abu.”

Matayi 18:2

Yezu kubikila muana, kumuimanyika munkatshi muabu,

Matayi 18:4

Udi mupite bakuabu mu Bukalenga bua mu diulu ngudi udipuekesha, udienza bu muana ewu.

Matayi 19:14

Yezu kuamba ne: — Lekelayi bana bavue kundi. Kanubakandiki to. Bualu Bukalenga bua mu diulu mbua badi bu bana.

Matayi 19:23

Pashishe Yezu kuambila balongi bende ne: — Ndi nnujadikila bulelela ne: bidi bikole bua muena biuma kubuela mu Bukalenga bua mu diulu.

Matayi 5:18

Ndi nnujadikila bulelela ne: too ne muajimina diulu ne buloba, kabena mua kukupula dileta nansha dikese, kalu nansha kamue ka mu mikenji. Bionsu bidi mikenji yamba, nebikumbane.

Matayi 5:20

Ndi nnujadikila ne: nenubuele mu Bukalenga bua mu diulu, amu panudi nutumikila ku mikenji ya Mvidi Mukulu, bapite balongeshi ba mikenji, ne Baparushe.

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:2

— Nanku paudi wambuluisha bapele, kukebi bua bantu bakumone bimpe. Bena mpala ibidi badi benza nanku mu nzubu ya kutendelela ne mu misesu. Badi bakeba amu bua bantu babatumbishe. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Marke 4:12

bua ne: “Bajooja bimpe kabayi bamona tshintu, bateleja bilenga, kabayi bajingulula bualu, kadi bafuane mua kupingana kudi Mvidi Mukulu, Mvidi Mukulu kuvua kubafuila luse!”

Luke 13:24

Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Luke 22:32

Kadi meme kukulombela kudi Mvidi Mukulu, bua kulenduki mu njila wa ditaba. Nanku pawapingana kundi, ukankamike bana benu.

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Yowanane 3:5

Yezu kuandamuna ne: — Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 28:27

Bualu nuenu bena tshisamba etshi, nudi bapapishe muoyi wenu, nudi bajibike matshi, babuite ku mesu. Nudi nubenga kumona, nubenga kumvua, nubenga kujingulula malu, nubenga kupingana kundi, bua meme kunupandisha.”

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

2 Petro 1:11

Ke munudi mua kubuela mu Bukalenga bua kashidi bua Mfumu wetu ne Musungidi Yezu Kristu.