Matayi 11:1 - MUKANDA WA MYIDI MUKULU

¹ Yezu mumane kuambila balongi bende dikumi ne babidi mikenji eyi, kumukaye muaba awu, kuyaye kulongesha mu bimenga bia mu ditunga. Kumanyishaye bantu Lumu lua Disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakashikisha Yesu kuyisha bayidi bandi dikumi ne babidi mikenshi yandi, yeye wakumukaku bualu bua kuyisheye bantu mu misoko yabo ne bua kubambileye bualu bua Nzambi.

Matayi 11:1 교차 참조

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Matayi 7:28

Yezu ujikija kuakula, bantu kushala bapuwe, bualu miaku yende ivua ibatuila ku muoyi.

Matayi 9:35

Yezu uvua upitshila mu bimenga bionsu ne mu misoku yonsu. Uvua ulongesha mu nzubu ya kutendelela ya bena Yuda. Uvua wenda wambila bantu Lumu lua Disanka lua Bukalenga bua Mvidi Mukulu. Uvua ujikija masama ne matekete onsu a bantu.

Marke 6:12

Balongi kuyabu kulongesha bantu: bua balengeje nsombelu yabu.

Luke 23:5

Kadi bobu kusuminyina bikole bipite, bamba ne: — Udi ulongesha bantu, ubasaka bua batomboke. mMutuadije mu Ngalileya; mmuendakane mu Yudeya mujima; mpindiewu mmufike too ne munemu.

Luke 8:1

Pashishe Yezu kuya ne balongi bende mu bimenga bionsu ne mu misoku. Uvua ulongeshamu bantu, ubamanyisha Lumu lua Disanka lua Bukalenga bua Mvidi Mukulu. Balongi bende dikumi ne babidi bavua nende mu luendu alu.

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 15:14

Nudi balunda banyi, panudi nuenza mundi munuelele mukenji.

Bienzedi 1:2

too ne ku dituku divuabu bamuambule mu diulu. Bangabanga ne kubandamu, uvua mumanyishe bapostolu, bavuaye musungule ku bukole bua Mueyelu wa Tshijila, bivuabu ne bua kuenza.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 10:42

Yezu kututumina diyi dia kulongesha bantu, kubajadikila ne: Mvidi Mukulu mmumuteke bua kulumbuluisha badi ne muoyi, ne bafue.

1 Tesalonike 4:2

Bualu nudi bamanye bituvua banulongeshe mu dina dia Mfumu Yezu.

2 Tesalonike 3:10

Bualu patuvua kuenu aku, tuvua banuambile ne: “Udi kayi musue kukuata mudimu, alekele kudia!”

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

1 Timote 6:14

ukumbaje bimpe, kabidi ne munanunanu, bimvua mukuambile, too ne ku dituku diamueneka Mfumu wetu Yezu Kristu.