Matayi 10:5 - MUKANDA WA MYIDI MUKULU

⁵ Yezu kutuma bapostolu bende dikumi ne babidi aba, ubambila bivuabu ne bua kuenza ne: — Kanuyi mu matunga a bantu badi kabayi bena Yuda, kanubuedi mu bimenga bia bena Samariya.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yesu wakamuangalasha bantu aba dikumi ne babidi, wakalayangana nʼabo ne, Kanuyi mu nshila wa ku bisamba bia bende, kanubuedi mu musoko wa Bena Samalea;

Matayi 10:5 교차 참조

Matayi 22:3

Kutumaye bena mudimu bende bua kuvuluija bantu muvuaye mubabikile mu didia edi. Kadi bavuaye mubikile kubengabu.

Matayi 4:15

“Wewe, buloba bua Zebulone, wewe, buloba bua Naftali, maloba adi dishiya dia Yardene, mu njila wa ku Dijiba dinene, wewe, Ngalileya, muaba udi bantu benyi base!

Marke 6:7

Kubikilaye balongi bende dikumi ne babidi, kubatumaye ku babidi ku babidi. Uvua mubapeshe bumfumu bua kuipata mikishi mibi.

Luke 10:1

Ke Mfumu kusungula balongi bakuabu makumi muanda mutekete ne babidi. Uvua ubatuma babidi babidi, bua badianjile kumpala kuende mu bimenga bionsu, ne miaba mikuabu yonsu, bivuaye ne bua kuya.

Luke 10:33

Kadi muena Samariya kampanda uvua upitshila mu njila awu. Kufikaye muaba uvua muntu awu. Umumona, luse kumukuata bikole.

Luke 17:16

Kudielaye mpala panshi ku makasa a Yezu, umuela tuasakidila. Muntu awu uvua muena Samariya.

Luke 9:1

Yezu kusangisha balongi bende dikumi ne babidi, kubapa bukole ne bumfumu bua kuipata mikishi mibi yonsu, ne bua kujikija masama a bantu.

Luke 9:2

Kubatumaye bua baye kulongesha malu a Bukalenga bua Mvidi Mukulu, ne bua bajikijile babeedi masama.

Yowanane 17:18

Mvua mubatume pa buloba, muuvua muntume pa buloba.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 4:20

Bankambua betu ba bena Samariya bavua batendelela Mvidi Mukulu pa mukuna ewu. Kadi nuenu bena Yuda, nudi nuamba ne: muaba udibu mua kutendelela Mvidi Mukulu udi amu mu Yerushalayime.

Yowanane 4:5

Kufikaye pabuipi ne musoku wa mu Samariya, dina diawu Sikare, uvua pabuipi ne budimi buvua Yakobe mupeshe muanende Yozefe.

Yowanane 4:9

Mukaji muena Samariya kuandamuna Yezu ne: — Kadi, wewe udi muena Yuda! Muudi ukimina kundomba mayi a kunua, meme muena Samariya mbishi? (Bualu bena Yuda kabena bumvuangana ne bena Samariya to.)

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Yowanane 8:48

Bena Yuda kuandamuna Yezu ne: — Tuvua tuambilamu ne: udi muena Samariya, kabidi ne: udi ne mukishi mubi munda muebe.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 10:45

Bena ditaba ba mu tshisamba tshia bena Yuda, bavua bafika ne Petro, kukema bikole pa kumona muvua Mvidi Mukulu mupuekeshile ne bantu ba mu bisamba bikuabu Mueyelu wa Tshijila.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.