Matayi 10:3 - MUKANDA WA MYIDI MUKULU

³ Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Mukanda wa Nzambi Dihungila Dikulukulu ne Dihungila Dihia-dihia 2003

³ Filipo, ne Bâtolomayo; Toma, ne Matayo wakadi musangishi wa mulambu; Yakobo muana wa Alafayo, ne Tadayo;

Matayi 10:3 교차 참조

Matayi 18:17

Kadi padiye kayi musue kuteleja bantu abu, muanyishe Tshisumbu tshia bena ditaba tshilumbu atshi. Padiye kayi musue kuteleja Tshisumbu tshia bena ditaba, umutangile bu muntu udi kayi witaba Mvidi Mukulu, nansha bu mulambuishi wa bitadi.

Matayi 27:56

Munkatshi muabu mutua Mariya wa mu tshimenga tshia Magdala, Mariya mamuende wa Yakobe ne Yozefe, ne mamuende wa bana ba Zebede.

Matayi 9:9

Yezu kumuka muaba awu, kumona muntu musombe ku nzubu kuvuabu balambuila bitadi. Dina dia muntu awu mMatayi. Yezu kumuambila ne: — Undonde! Nanku Matayi kujuka, kumulonda.

Marke 15:40

Bakaji bakuabu bavua kabidi muaba awu, bavua batangidile pa bule. Munkatshi muabu muvua Mariya wa mu tshimenga tshia Magdala, ne Mariya mamuende wa Yakobe mukese ne wa Yose, kabidi ne Salome.

Marke 2:14

Pavuaye upita, kumonaye Levi muana wa Alfayi musombe mu nzubu uvuaye ulambuishila bitadi. Yezu kumuamba ne: — Ntua mu nyima! Levi kujuka, kumutua mu nyima.

Marke 3:18

Andre, Filipe, Bartolmayi, Matayi, Tomase, Yakobe muana wa Alfayi, Tadeyi, Simone uvua mu tshisumbu tshia baluidi ba ditunga diabu,

Luke 18:10

— Bantu babidi bavua babuela mu nzubu wa Mvidi mukulu bua kutendelela. Umue uvua Muparushe, mukuabu mulambuishi wa bitadi.

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Luke 19:2

Muaba awu muvua muntu, dina diende Zakayi. Uvua mfumu wa balambuishi ba bitadi, muena biuma bia bungi.

Luke 5:27

Ke Yezu kupatuka, kumona mulambuishi wa bitadi musombe mu nzubu wende wa mudimu, dina diende Levi. Yezu kumubikila ne: — Undonde!

Yowanane 1:48

Natanayele kumukonka ne: — Udi mummanye munyi? Yezu kumuandamuna ne: — Mvua mukumone, Filipe kayi muanji kukubikila, pauvua muinshi mua mutshi wa mfiku.

Yowanane 11:16

Kadi Tomase udibu binyika ne: Dipasa, kuambilaye balongi bakuabu ne: — Tuyayi bonsu ne Mulongeshi, batushipe nende!

Yowanane 14:22

Yuda (ki nYudase Iskariyote to) kumukonka ne: — Mfumu, mmunyi muudi mua kudileja kutudi, kuyi udileja kudi ba pa buloba?

Yowanane 14:5

Tomase kumuamba ne: — Mfumu, katuena bamanye kuudi uya to. Mutudi mua kumanya njila mbishi?

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Bienzedi 15:13

Bajikija diakula, Yakobe kuamba pende ne: — Bana betu, ntelejayi!

Bienzedi 21:18

Butshia Polu kuya netu kua Yakobe, kuvua bakulu bonsu ba Tshisumbu tshia bena ditaba basangile.

Ngalate 1:19

Kadi tshivua mumone mupostolu mukuabu nansha umue, pa kumusha Yakobe, muanabu ne Mfumu.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.