Matayi 10:2 - MUKANDA WA MYIDI MUKULU

² Mena a bapostolu dikumi ne babidi adi nunku: wa kumpala ke Simone, uvua ne dina dikuabu dia Petro, ne muanabu Andre; Yakobe ne muanabu Yowanane, bonsu babidi bana ba Zebede;

Mukanda wa Nzambi Dihungila Dikulukulu ne Dihungila Dihia-dihia 2003

² Mena a bapostolo dikumi ne babidi adi nunku: Wa kumudilu Simona, udibo babikila ne, Petelo, ne muanʼabo Andele; Yakobo muana wa Zebedayo, ne muanʼabo Yone;

Matayi 10:2 교차 참조

Matayi 17:1

Matuku asambombu mamane kupita, Yezu kuangata Petro, Yakobe ne Yowanane, muanabu ne Yakobe, kuya nabu ku mukuna mutumbuke. Kuine aku bavua amu nkayabu.

Matayi 20:20

Ke mukaji wa Zebede kusemena ne bana bende kudi Yezu. Kudielaye panshi, bu muntu udi musue kulomba tshintu.

Matayi 26:37

Ke Yezu kuya ne Petro, kabidi ne bana babidi ba Zebede. Kutuadijaye kubungama ne kupampakana.

Matayi 4:18

Pavua Yezu wendakana ku muelelu wa Dijiba dinene dia Ngalileya, kumonaye balobi babidi, bana ba muntu umue. Umue uvua Simone, uvuabu binyika kabidi ne: Petro, mukuabu uvua Andre. Bavua baloba mu dijiba ne bukondu buabu.

Matayi 4:21

Yezu mumane kuenda mutantshi, kumonaye kabidi bana bakuabu babidi ba muntu umue, Yakobe ne Yowanane, bana ba Zebede. Bavua ne tatuabu Zebede mu buatu, balongolola makondu abu. Yezu kubabikila.

Marke 1:29

Bobu kupatuka mu nzubu wa kutendelela wa bena Yuda. Kuyabu diakamue kua Simone ne Andre. Kubatuabu mu nyima kudi Yakobe ne Yowanane.

Marke 13:3

Yezu uvua musombe pa mukuna wa Olive, buludiludi ne nzubu wa Mvidi Mukulu. Petro, Yakobe, Yowanane, ne Andre kumukonkabu pa nkayabu ne:

Marke 6:30

Bapostolu kupingana kuvua Yezu, kumulondela bionsu bivuabu benze kabidi balongeshe.

Luke 11:49

Ke muvua Mvidi Mukulu mudianze kuamba ne: “Nembatumine bambi ne bapostolu. Nebashipe bamue ba kudibu, bakengesha bakuabu.”

Luke 22:14

Diba dia didia dikumbana, Yezu kusomba ku mesa ne balongi bende.

Luke 22:8

Yezu kutuma Petro ne Yowanane, ubambila ne: — Nuye kutulonguelela didia dia tshibilu tshia Dipita dia Maweja-Nangila.

Luke 5:10

Yakobe ne Yowanane, bana ba Zebede, bavua bakuata mudimu ne Simone, bavua kabidi ne bowa. Kadi Yezu kuambila Simone ne: — Kutshinyi to. Biangatshile ku mpindiewu, newikale tshilembi tshia bantu.

Luke 9:10

Bapostolu ba Yezu kupingana kudiye, bamuambila bionsu bivuabu benze. Yezu kubangata, kuya nabu pa nkayabu pabuipi ne tshimenga tshia Betsayida.

Yowanane 12:22

Filipe kuya kuambila Andre, pashishe bonsu babidi kuya kuambila Yezu.

Yowanane 13:23

Umue wa ku balongi, mulongi uvua Yezu munange, uvua musombe ku luseke lua Yezu.

Yowanane 20:2

Nanku kupinganaye lubilu kuvua Simone Petro ne mulongi mukuabu uvua Yezu munange. Kubambilaye ne: — Mbapatule Mfumu mu lukita luende. Katuena bamanye muaba udibu bamuteke to.

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Yowanane 21:20

Petro ukudimuka, kumonaye mulongi uvua Yezu munange, ubalonda. (Yeye awu ke uvua mueyemene Yezu pavuabu badia, kabidi uvua mumukonke ne: “Mfumu wakutungidi tshitungu nnganyi?”)

Yowanane 21:24

Mulongi awu ke udi ulonda malu aa, uvua muafunde kabidi. Tudi bamanye ne: bidiye ujadika mbilelela.

Yowanane 6:67

Yezu kukonka balongi bende dikumi ne babidi ne: — Nuenu kabidi nudi basue kumuka anyi?

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Yowanane 6:71

Uvua Yezu wamba awu ke Yudase, muana wa Simone muena mu Iskariyote. Bualu nansha muvua Yudase umue wa ku balongi dikumi ne babidi, uvua ukeba kutungila Yezu tshitungu.

Yowanane 6:8

Umue wa ku balongi bende, dina diende Andre, muanabu ne Simone Petro, kumuambilaye ne:

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Bienzedi 1:26

Kutshinkabu bua kupeta muntu umue ku babidi aba. Kupetabu Matiyase. Kumusakidilabu ku bapostolu dikumi ne umue.

Bienzedi 12:2

Kukoseshaye Yakobe, muanabu ne Yowanane, mutu.

Bienzedi 3:1

Dituku dikuabu Petro ne Yowanane bavua babuela mu nzubu wa Mvidi Mukulu diba dia kutendelela dia isatu wa dilolu.

1 Korente 15:7

Pashishe kumuenekelaye Yakobe, ku ndekelu, mmudileje kudi bapostolu bonsu.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

2 Yone 1:1

Meme Mukulu, ndi mfundila Mukaji musungula kudi Mvidi Mukulu, kabidi ne bana bende, mukanda ewu. Ndi mupite kununanga. Tshiena mununange amu meme nkayanyi to. Banunange kabidi kudi bonsu badi bamanye bulelela.

3 Yone 1:1

Meme Mukulu, ndi mfundila Ngayuse wanyi, undi mupite kunanga, mukanda ewu.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 1:9

Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.

Didimanyisha 18:20

Wewe diulu, sanka, bua padi tshimenga etshi tshibutuke. Nuenu bantu ba Mvidi Mukulu, nuenu bapostolu ne bambi, tuayi tshianga! Bualu Mvidi Mukulu mmutshifundile tshibawu tshia bubi buvuatshi tshinuenzele!

Didimanyisha 22:8

Meme Yowanane, mvua mumvue bionsu ebi, mubimone kabidi. Meme mumane kubiu-mvua, mubimone bionsu, ke meme kudiela panshi ku makasa a mutumibue uvua mubideje, bua kumukukuila.