Matayi 1:12 - MUKANDA WA MYIDI MUKULU

¹² Bamane kuya ne bena Izrayele mu bupika ku Babilone, Yekoniya kulela Sheyaltiyele. Sheyaltiyele kulela Zerubabele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakayabo nʼabo ku Babulona, Yekonya wakalela Shalatiele; Shalatiele wakalela Zelubabela;

Matayi 1:12 교차 참조

2 Bakalenga 24:14

Nebukadnesare kuya ne bena Yerushalayime, balombodi ba mu bukalenga, ne bantu bonsu bavua bamanyike bikole. Bantu bonsu bavua binunu dikumi, katuyi tubala bena midimu ya bianza, ne bansenda. Kuvua kushala mu ditunga anu bantu bapela menemene.

2 Bakalenga 25:27

Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

1 Kulondolola 3:17

Bana ba balume ba Yekoniya uvuabu baye nende ku bupika mu Babilone badi nenku: Sheyaltiyele,

Ezela 3:2

Mutuangaji Yeshuwa, muana wa Yoshadake, pamue ne batuangaji bakuabu, bana babu, kabidi ne Zerubabele, muana wa Sheyaltiyele, ne bana babu, kutuadijabu kuibakulula tshilambuilu tshia Mvidi Mukulu wa bena Izrayele, bua bamone mua kulambuilapu milambu ya kuosha, bu mudibu balombe mu mikenji ya Moshe, muntu wa Mvidi Mukulu.

Ezela 5:2

Nanku, Zerubabele, muana wa Sheyaltiyele, ne Yeshuwa, muana wa Yoshadake, kutuadijabu kuibakulula nzubu wa Mvidi Mukulu mu Yerushalayime. Bavua babakolesha ku muoyi kudi bambi ba Mvidi Mukulu.

Nehemya 12:1

Ke mena a batuangaji ne a bena Levi bavua bafume mu bupika pamue ne Zerubabele, muana wa Sheyaltiyele, kabidi pamue ne Yeshuwa: Zeraya, Irmeya, Ezra,

Yirmeya 22:24

— Newambile Konya, muana wa Yoyakime, mukalenga wa bena Yuda, ne: “Nansha wewe muikale bu tshitampi tshianyi tshindi natshi ku tshianza tshia balume, nenkumushe ku munu wanyi. Bu mundi ne muoyi Bulelela, ndi nditshipa ne:

Yirmeya 22:28

Bantu nebakonke ne: “Konya, udi muntu mufuanangane ne luesu lufue ludibu bimansha anyi? Udi bu tshintu tshia patupu anyi? Yeye ne bana bende mbabipate baye nabu mu ditunga didibu kabayi bamanye bua tshinyi?”

Yirmeya 22:30

Udi wamba ne: “Bafunde muntu ewu mu mukanda wa bakalenga bu muntu udi kayi ne bana! Nsongalume awu mmupange bionsu. Muntu nansha umue wa ku ndelanganyi yende kakusomba pa nkuasa wa bukalenga bua Davide, kakuikala mfumu wa Yuda to.”

Yirmeya 27:20

(Bualu Nebukadnesare, mukalenga wa mu Babilone, kavua mubiangate mu Yerushalayime bua kuya nabi ku Babilone, pavuaye mukuate balombodi bonsu ba mu Yerushalayime ne ba mu ditunga dia Yuda, ne Yekonya, muana wa Yoyakime, mukalenga wa bena Yuda.)

Agayi 1:1

Dituku dimue dia ngondu muisambombu wa tshidimu tshibidi tshia bukalenga bua Daryaveshe, Maweja-Nangila kuyukila ne muambi Agayi. Kumutumaye kudi mulombodi wa buloba bua bena Yuda, diende Zerubabele, muana wa Sheyaltiyele, ne kudi mutuangaji munene Yeshuwa, muana wa Yoshadake,

Agayi 1:12

Zerubabele, muana wa Sheyaltiyele, ne mutuangaji munene Yeshuwa, muana wa Yoshadake, ne bantu bonsu bavua bumuke mu bupika, kuitababu bionsu bivua muambi Agayi mubambile mu dina dia Maweja-Nangila Mvidi Mukulu wabu. Ke muvua muambi Agayi mukumbaje mudimu uvua Maweja-Nangila mumupeshe. Nanku bantu bonsu kunemeka Maweja-Nangila.

Agayi 1:14

Zerubabele, mulombodi wa buloba bua bena Yuda, ne Yeshuwa, mutuangaji munene, ne bantu bonsu bavua bumuke mu bupika, Maweja-Nangila kubapa muoyi wa kuenza mudimu ne disuminyina. Nanku, kutuadijabu kuibakulula nzubu wa Maweja-Nangila wa bukole buonsu, Mvidi Mukulu wabu,

Agayi 2:2

Uvua mumutume kudi mulombodi wa buloba bua bena Yuda, Zerubabele, muana wa Sheyaltiyele, kudi mutuangaji munene Yeshuwa, muana wa Yoshadake, ne kudi bantu bonsu bavua bumuke mu bupika, bua kubakonka ne:

Agayi 2:23

Dituku adi, wewe Zerubabele, muntu wanyi, newikale ne mushinga, bu mudi tshitampi tshianyi nawu. Bualu ndi mukusungule, bua wikale muenampala wanyi. Meme Maweja-Nangila, ndi ngamba nanku.

Matayi 1:11

Yoshiya kulela Yekoniya ne bana bakuabu ba balume. Tshikondu atshi ke tshiyuabu baya ne bena Izrayele mu bupika ku Babilone.

Matayi 1:13

Zerubabele kulela Abiyude. Abiyude kulela Eliyakime. Eliyakime kulela Azore.

Matayi 1:17

Nanku biangatshile ku Abrahame too ne ku Davide kudi ndelanganayi dikumi ne inayi; biangatshile ku Davide too ne ku tshikondu tshiyuabu baye ne bena Izrayele mu bupika ku Babilone kudi ndelanganyi dikumi ne inayi; biangatshile tshikondu atshi too ne ku diledibua dia Kristu kudi kabidi ndelanganyi dikumi ne inayi.

Luke 3:27

Yowanane, Resa, Zerubabele, Sheyaltiyele, Neri,