Marke 9:43 - MUKANDA WA MYIDI MUKULU

⁴³ Padi tshianza tshiebe tshifuana mua kukufila ku bubi, utshikose, bidi bimpe ubuele ne tshianza tshimue mu muoyi mulelela pa mutu pa kushala ne bianza bibidi, kukuimanshabu mu kandondu ka bafue, mudi kapia kadi kakayi mua kujima nansha. [

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Biakulenduisha tshianza tshiebe, watshikosa; bua wewe kubuela mu muoyo ne tshilema kudi kutamba bua wewe kuya mu Ngena ne bianza biebe bibidi, mu kahia kadi kakai kajima tshiendelele. [

Marke 9:43 교차 참조

Yobe 20:13

Udi ubulaminyinamu mutantshi mule kayi ubulekela, mmusue amu kubuteka.

Yeshaya 1:31

Muntu wa dikanda neashale bu tshikamfu, tshia kutemesha natshi kapia. Malu ende mimpe neikale bu kantolentole ka kapia, kadi kuosha tshikamfu atshi. Bionsu bibidi nebiteme kapia pamue, kakuyi udi mua kubijima.

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Matayi 17:27

Kadi bua katubafikishi munda, uye mu dijiba, ela ndobu. Mushipa uwadianza kukuata, uubulula mukana. Neusanganemu makuta. Uangate, uye kuteta tshitadi tshiebe, ne tshianyi.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Marke 9:44

Mmuaba udi misanda idia mibidi kayiyi ifua, kabidi kapia kakayi mua kujima nansha.]

Luke 14:13

Kadi pawikala wenza didia dia tshibilu, ubikile bapele, balema, batebuki ne bampofu.

Luke 14:21

Muena mudimu kupingana kudi mfumuende, kumumanyisha bivua bantu bandamune. Mfumu wa nzubu kufika munda bikole, kuambila muena mudimu wende ne: “Uye lukasa mu bisalu ne mu misesu ya mu tshimenga. Ufike ne bapele, balema, bampofu ne badi batebuka.”

Luke 3:17

Udi ne lubenji mu bianza biende, bua kupepula bisote, kushiya ntete. Nealame ntete mu diyeba. Kadi neoshe bisote mu kapia kadi kakayi kajima.

Rome 8:13

Bualu panuikala nukeba bidi buntu buenu nkayabu bujinga, nenufue. Kadi panuikala nubenga malu mabi onsu ku bukole bua Mueyelu wa Tshijila, nenuikale ne muoyi.

1 Korente 9:27

Ndi ndituuta bikole, nkengesha mubidi wanyi mujima. Tshianana ndi bu muntu udi ubikila bakuabu bua bipatshile nsala wa kalumbandi, meme mene tshiyi mua kumupeta, mpangila mu njila.

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.