Marke 8:2 - MUKANDA WA MYIDI MUKULU

² — Ndi mumvue luse bua bantu aba, bualu tudi nabu kukadi matuku asatu, kabatshiena ne tshiakudia to.

Mukanda wa Nzambi Dihungila Dikulukulu ne Dihungila Dihia-dihia 2003

² Ndi ne bantu aba luse, bualu bua bobo bakusomba nʼanyi matuku asatu, kabena ne tshia kudia;

Marke 8:2 교차 참조

1 Bakalenga 19:6

Muambi Eliya kumona diampa pabuipi nende, dimana kuosha pa mabue. Kumonaye kabidi ne mulondu wa mayi. Mumane kujikija kudia ne kunua, kulalaye tulu tshiakabidi.

Misambu 103:13

Maweja-Nangila udi unanga bantu bende badi bamunemeka, bu mudi tatu unanga bana bende.

Misambu 145:15

Bonsu mbakutangile wewe Maweja-Nangila, batekemena bua ubapeshe tshiakudia diba didibu batshikengela.

Misambu 145:8

Maweja-Nangila udi muimpe ne luse. Kuena ufika munda lukasa. Bulenga buebe kabuena kuamba.

Mika 7:19

Neutufuile kabidi luse, kuyi uvuluka malu etu mabi. Bubi buetu neubuimanshe muinshi mua mayi manene.

Matayi 14:14

Yezu upatuka mu buatu, kumonaye bantu ba bungi. Luse kumukuatalu. Kutuadijaye kujikija masama abu.

Matayi 20:34

Yezu kuyumvuila luse, kulenga mesu ayi. Bantu babidi aba kutabala diakamue, kutonda Yezu.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Marke 1:41

Yezu kumumvuila luse lua bungi. Kuololaye tshianza, kumulenga, umuambila ne: — Ndi musue, disama diebe diajiki!

Marke 5:19

Yezu kubenga. Kadi kumuambilaye ne: — Pingana kuenu kudi bana benu. Ubalondele bionsu bidi Maweja-Nangila mukuenzele, mudiye mukufuile luse.

Marke 6:32

Ke kubuelabu mu buatu bobu nkayabu, kuya muaba mupengame.

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

Marke 8:3

Meme mubapingaje kuabu kabayi badie, badi mua kuzengela, kudishinda mu njila, bualu ba bungi ba kudibu mbafumine kule.

Marke 9:22

Misangu mivule mukishi udi umuela mu kapia ne mu mayi bua kumushipa. Kadi utufuile luse, utuambuluishe, bu wewe musue!

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 5:2

Bu mudiye yeye mene ne butekete bua bungi, udi mua kumvuila bena dipanga ne bena ntupakanyi luse.