Marke 7:9 - MUKANDA WA MYIDI MUKULU

⁹ Pashishe Yezu kubambila kabidi ne: — Bulelela, nudi nubenga mikenji ya Mvidi Mukulu bua kulonda dilongesha dienu nuenu!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakabambila ne, Bulelela, nuakuvuisha mukenshi wa Nzambi bu wa hatuhu, bualu bua nuenu kulonda tshilele tshienu.

Marke 7:9 교차 참조

Misambu 119:126

Maweja-Nangila, diba ndikumbane dia wewe kuenza, mudimu webe wa kulumbuluisha, bualu bantu mbanyange mikenji yebe.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Marke 7:13

Nenku nudi nunyanga lumu lua muaku wa Mvidi Mukulu ku dilongesha dinudi nulongesha bantu bakuabu. Nudi nuenza kabidi malu makuabu a bungi a mushindu ewu.

Marke 7:3

Bualu Baparushe ne bena Yuda bonsu bakuabu bavua balama dilongesha divuabu bapete kudi bankambua babu. Kabavua badia kabayi bowa mayi ku bianza biabu ne mankenda nansha.

Marke 7:5

Baparushe ne balongeshi ba mikenji kukonkabu Yezu ne: — Balongi bebe kabena balonda bibidilu bia bankambua betu bua tshinyi? Badi badia kabayi bowa bianza bimpe bua tshinyi?

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

Ngalate 1:14

Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

Ngalate 2:21

Tshiena mubenge bua Mvidi Mukulu annange nansha. Kadi pikala Mvidi Mukulu utubingisha, bualu tudi tukumbaja mikenji, nanku Kristu kavua ne bua kufua nansha.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.