Marke 7:5 - MUKANDA WA MYIDI MUKULU

⁵ Baparushe ne balongeshi ba mikenji kukonkabu Yezu ne: — Balongi bebe kabena balonda bibidilu bia bankambua betu bua tshinyi? Badi badia kabayi bowa bianza bimpe bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bafalese ne bafundi bakamukonka ne, Bayidi bebe batu badia bidia ne bianza bidi ne manyanu munyi, bobo kabatu benda mu tshilele tshia bankambua betu munyi?

Marke 7:5 교차 참조

Matayi 15:2

— Balongi bebe badi babenga kulonda bibidilu bia bankambua bua tshinyi? Badi badia kabayi bowe mayi ku bianza bua tshinyi?

Marke 7:13

Nenku nudi nunyanga lumu lua muaku wa Mvidi Mukulu ku dilongesha dinudi nulongesha bantu bakuabu. Nudi nuenza kabidi malu makuabu a bungi a mushindu ewu.

Marke 7:8

Yezu kubambila ne: Nudi nulekela mikenji ya Mvidi Mukulu, nulonda malongesha a bantu.

Marke 7:9

Pashishe Yezu kubambila kabidi ne: — Bulelela, nudi nubenga mikenji ya Mvidi Mukulu bua kulonda dilongesha dienu nuenu!

Bienzedi 21:21

Kadi bavua babambile ne: Polu udi ulongesha bena Yuda bonsu, badi basomba munkatshi mua bisamba bikuabu, ne: kanulondi mikenji ya Moshe, kanuteki bana benu panshi, nulekele bibidilu bia bena Yuda.

Bienzedi 21:24

Ubangate, uye nabu. Wikaleku, padibu badikobolola. Ubafutshile mushinga, bua babeyishe nsuki. Nanku bantu bonsu mbajadike ne: mbakujane patupu, bualu wewe mene udi amu ukumbaja mikenji ya Moshe.

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

Ngalate 1:14

Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

2 Tesalonike 3:11

Tudi Umuambila nanku, bualu tudi bumvue ne: bamue ba munkatshi muenu kabena bakuata mudimu. Badi basomba patupu, babuelakana amu mu malua bakuabu.

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,