Marke 7:2 - MUKANDA WA MYIDI MUKULU

² Kumonabu bamue ba ku balongi bende badia biakudia kabayi bowa bianza, bu muvuabu bafunde mu mikenji ya Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² bakamona bayidi bandi badia bidia ne bianza kabi biowa mai.

Marke 7:2 교차 참조

Matayi 15:2

— Balongi bebe badi babenga kulonda bibidilu bia bankambua bua tshinyi? Badi badia kabayi bowe mayi ku bianza bua tshinyi?

Marke 7:5

Baparushe ne balongeshi ba mikenji kukonkabu Yezu ne: — Balongi bebe kabena balonda bibidilu bia bankambua betu bua tshinyi? Badi badia kabayi bowa bianza bimpe bua tshinyi?

Luke 11:38

Kadi Muparushe uvua ukema bikole, bualu Yezu uvua udia kayi muanji kuowa bianza.

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Bienzedi 11:8

Meme kuandamuna ne: “Mfumu, tshiena mua kuenza nanku. Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.”

Rome 14:14

Ndi mumanye, mushindike menemene ne: patudi bamane kudisanga ne Mfumu Yezu, kakuena tshintu tshidi tshibi tshiotshi nkayatshi. Kadi amu padi muntu wela meji ne: tshintu etshi ntshibi, nanku tshidi tshibi kudiye.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Didimanyisha 21:27

Kadi tshintu nansha tshimue tshidi ne mikiya, katshiakubuela mu tshimenga etshi. Muntu udi wenza malu mabi, ushima, kakubuelamu. Amu badi ne mena abu mu mukanda wa muoyi, mukanda wa Muana wa mukoku, ke badi mua kubuelamu.