Marke 6:22 - MUKANDA WA MYIDI MUKULU

²² Muana wa bakaji wa Erodiyade, kubuela mu nzubu, kujaye maja, kusankisha Erode ne benyi bende. Ke mukalenga kuambila nsongakaji awu ne: — Undombe tshionsu tshiudi musue, nenkupetshi.

Mukanda wa Nzambi Dihungila Dikulukulu ne Dihungila Dihia-dihia 2003

²² hakabuela muana mukashi wa Helodia, yeye wakaja maja, wakasankisha mutshima wa Helode ne ya bakadi bashikame nʼandi ku mesa; mukelenge wakambila muana mukashi ne, Undombe tshintu tshionso tshiudi musue, nenkuhetshi.

Marke 6:22 교차 참조

Matayi 14:6

Kadi dituku dia mufikilu wa diledibua dia Erode, muana wa bakaji wa Erodiyade uvua uja maja, bantu bonsu batua Erode mubikile batangile. Nsongakaji awu uvua mupite kusankisha Erode.

Danyele 5:2

Pakavuamaluvu mamukuate, kutumaye diyi, bua bafike ne makopu a tshiamu tshia mpawungi ne a tshiamu tshitoke tshia mushinga mukole, avua tatuende Nebukadnesare mupawule mu nzubu wa Mvidi Mukulu wa mu Yerushalayime. Uvua musue kunuinamu maluvu, yeye, ne bantu banene ba mu bukalenga buende, ne bakaji bende ba biuma, ne bakaji bavuaye mubanjije.

Matayi 11:17

“Tuetu kunuelela nshiba, bua nuje maja, nuenu nansha kuja! Tuetu kunuimbila misambu ya madilu, nuenu nansha kudila!’’

Matayi 14:3

Bualu Erode ke utua mutume diyi kale, bua bakuate Yowanane, bamusuike mionji, bamuele mu nzubu wa lukanu. Uvua muenze nanku anu bualu bua Erodiyade, mukaji wa Filipe wabu.