Marke 6:2 - MUKANDA WA MYIDI MUKULU

² Pavua dituku dia Dikisha dikumbane, uvua ulongesha bantu mu nzubu wa kutendelela wa bena Yuda. Bantu ba bungi bavua bamuteleja, bavua bakatshila bikole, bamba ne: — Bionsu ebi mmubimanye bishi? Udi ne meji a mushindu kaayi adiye wenza nawu malu a kukema nenku?

Mukanda wa Nzambi Dihungila Dikulukulu ne Dihungila Dihia-dihia 2003

² Hakalua dituku dia Lumingu lua Bayuda, wakabanga kuyisha bantu mu nsunagoga; bantu ba bungi bakakema, hakunvuabo mei andi, bakakonka ne, Muntu eu wakuangata malu â kudi kunyi? Lungenyi kai luakuhabo muntu eu? Malu a kukema adiye wenza adi munyi?

Marke 6:2 교차 참조

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Matayi 7:28

Yezu ujikija kuakula, bantu kushala bapuwe, bualu miaku yende ivua ibatuila ku muoyi.

Marke 1:39

Yezu uvua wendakana mu Ngalileya mujima, ulongesha mu nzubu ya kutendelela ya bena Yuda, uvua wipata ne mikishi mibi.

Marke 10:1

Yezu kumuka aku, kuyaye mu buloba bua Yudeya, pashishe ne dia muamua dia Yardene. Bantu bavule kudisangisha kuvuaye. Pamue ne balongi bende, kubangaye kulongesha amu bu pa tshibidilu.

Luke 2:47

Bantu bonsu bavua bamuteleja, bavua bakema lungenyi luende, ne ngandamuna avuaye wandamuna.

Luke 4:15

Yezu uvua ulongesha mu nzubu ya ditendelela ya bena Yuda. Bantu bonsu bavua bamutumbisha.

Yowanane 6:42

Bavua bakonkangana ne: — Muntu ewu ki nYezu muana wa Yozefe anyi? Tudi bamanye tatuende ne mamuende. Kadi mudiye wamba mpindiewu ne: “Ndi mufume mu diulu mbishi?”

Yowanane 7:15

Bena Yuda bavua bakatshila, bamba ne: — Mmunyi mudi muntu ewu mumanye malu bungi nenku, kayi mulonge mikanda.