Marke 4:7 - MUKANDA WA MYIDI MUKULU

⁷ Ntete mikuabu kumata mu mionji ya meba. Mionji ya meba kulepa, kukulakaja bisekiseki bimpe, mushindu udibi kabiyi mua kukuama.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Makuabo akamata mu mionshi ya meba, mionshi yakadiunda, yakânyengela, kâkalua maminu.

Marke 4:7 교차 참조

Yirmeya 4:3

Maweja-Nangila udi wambila bena Yuda ne bena Yerushalayime ne: Nudime budimi bupiabupia, kanukunyi biakudia mu meba.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Matayi 13:7

Minga ntete kumata mu mitshi ya meba. Mitshi ya meba ayi kubanda, kukulakaja mitshi mimpe.

Matayi 13:8

Kadi minga ntete kumata mu buloba buimpe, kukuama miepu, eyi ne ntete lukama, mikuabu ne ntete makumi asambombu, minga eyi ne ntete makumi asatu.

Marke 4:6

Padi diba dibanda mulu, kuoshadi bisekiseki bivua bitoloke, kumabi bualu kabivua ne miji minene.

Marke 4:8

Kadi ntete mikuabu kumata mu buloba buimpe. Bisekiseki kutolokabi, kukola, kuela miepu: mikuabu ivua ne miepu ya ntete makumi asatu, mikuabu makumi asambombu ne minga lukama.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Luke 8:14

Bua bakuabu kabidi, bidi amu bu mudi ntete idi imata mu mitshi ya meba. Badi bumvua muaku wa Mvi-di Mukulu. Kadi disumpakana dia matuku onsu, lukuka lua biuma, ne masanka a panu, bidi bikutakaja muaku, biupangisha mua kukuama bimuma munda muabu.

Luke 8:7

Ntete mikuabu kumata mu mitshi ya meba. Kutolokayi pamue, kadi mitshi ya meba kuyijingila.