Marke 3:16 - MUKANDA WA MYIDI MUKULU

¹⁶ Telejayi mena a bantu dikumi ne babidi bavuaye musungule: Simone (uvua ne dina dikuabu dia Petro),

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakidika Simona ne, Petelo;

Marke 3:16 교차 참조

Marke 1:16

Yezu uvua wendakana ulonda muelelu wa dijiba dia Ngalileya. Kumonaye balobi ba mishipa babidi: ke Simone ne muanabu Andre, bela makondu abu mu dijiba.

Marke 3:15

kubapesha bumfumu bua kuipata mikishi mibi.

Marke 3:17

Yakobe ne muanabu wa balume Yowanane, bonsu babidi bavua bana ba Zebede (Yezu uvua mubinyike ne: Bowanerjese, mmumue ne: “Bantu bafuana makubakuba”),

Luke 6:13

Butshia kubikilaye balongi bende. Kusungulaye munkatshi muabu dikumi ne babidi, kubinyikaye ne: mbapostolu.

Yowanane 1:42

Kuyaye ne Simone kudi Yezu. Yezu kutangila Simone, umuamba ne: — Wewe udi Simone, muana wa Yowanane. Nebakuinyike ne: Kefase. (Mmomumue ne: “Dibue”).

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

1 Korente 1:12

Nudi bamanye tshindi musue kuamba. Yonsu wa kunudi udi wamba muende munga, yonsu wende mushindu. Ewu ne: “Ndi ndonda Polu”; mukuabu ne: “Ndi ndonda Apolose”; mukuabu ne: “Meme amu Petro”; wawakabidi ne: “Meme amu Kristu.”

1 Korente 3:22

Polu, Apolose, nansha Petro, bukua panu bujima, muoyi ne lufu, lelu ne malaba, bionsu mbienu.

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.