Marke 15:3 - MUKANDA WA MYIDI MUKULU

³ Bamfumu ba batuangaji bavua basonguela Yezu ne malu a bungi.

Mukanda wa Nzambi Dihungila Dikulukulu ne Dihungila Dihia-dihia 2003

³ Bakuidi banene bakamubanda malu a bungi.

Marke 15:3 교차 참조

Misambu 38:14

Kadi meme ndi njibika matshi, tshiyi nteleja. Ndi ngenza bu kamama, tshiyi ngamba bualu.

Yeshaya 53:7

Bavua bamukengesha, yeye kudipuekesha. Kavua ukandamana. Kavua wamba bualu. Uvua bu muana wa mukoku udibu baya nawu ku tshishipelu. Uvua bu mukoku mu bianza bia badi baukulula boya, kauyi udila.

Matayi 27:12

Kadi pavua bamfumu ba batuangaji ne bakulu bamusonguela, kavua wandamuna to.

Marke 15:2

Pilate kumukonka ne: — Udi mukalenga wa bena Yuda anyi? Yezu kumuandamuna ne: — Anu bu muudi wamba amu.

Marke 15:4

Pilate kumukonka tshiakabidi ne: — Kuena wandamuna bualu nansha bumue anyi? Udi mumvue mudibu bakusonguela!

Marke 15:5

Kadi Yezu kasua muandamune kabidi to. Pilate kukema.

Yowanane 19:12

Biangatshile diba adi, Pilate uvua ukeba mushindu wa kutekesha Yezu. Kadi bena Yuda kubanga kuela mbila ne: — Wewe mukopole muntu ewu mu lukanu, kuena mulunda wa mukalenga wa bakalenga to. Muntu yonsu udi udifunyisha ne: ndi mukalenga, mmuluishi wa mukalenga wa bakalenga.