Marke 13:9 - MUKANDA WA MYIDI MUKULU

⁹ “Kadi nuenu, dimukayi. Bualu bantu nebanufikishe ku tubadi. Bantu nebanututshishile mitshi mu nzubu ya kutendelela ya bena Yuda. Nenuimane kumpala kua balombodi ba buloba ne kua bakalenga, bua kubajadikila bimvua muambe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nuende badimuke, bualu bua bantu nebanufile kudi balumbuludi babo, nebanukume mu nsunagoga yabo, nenuimane ku mesu kua ba-ngovena ne ku mesu kua banfumu bua bualu buanyi, nenuikale bu tshimanyishilu ku mesu kuabo.

Marke 13:9 교차 참조

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Marke 1:44

umuambila ne: — Teleja, kuambidi muntu bualu ebu to. Kadi uye kudileja kudi mutuangaji, akukenkete, pashishe ulambule mulambu udi Moshe mufunde bua kujadikila bantu bonsu ne: udi mupande.

Marke 13:5

Yezu kubanga kubambila ne: — Nuadimukayi, muntu kanushimi.

Marke 13:8

Tshisamba netshiluishe tshisamba tshikuabu. Bukalenga nebuluishangane ne bukalenga bukuabu. Bikumina nebienzeke mu matunga mashilangane. Biyole bia nzala nebienzeke. Nebikale bu makenga a kumpala adi akuata mukaji pa lulelu.

Marke 6:11

Padi miaba mikuabu bantu babenga mua kunuakidila nansha kunuteleja, numuke muaba awu, nututule lupuishi lua mu makasa enu, bua lushale kubavuluija tshiyuabu benze.

Luke 9:5

Kadi muaba wabenga bantu kunuakidila, numuke mu musoku awu, nututule lupuishi lua ku makasa enu, bua lushale kubavuluija tshiyuabu benze.

Yowanane 15:20

Vulukayi mumvua munuambile ne: “Muena mudimu nansha umue kena mua kupita mfumuende.” Bu mmuabu bankengeshe, nebankengeshe kabidi. Pikalabu banyishe dilongesha dianyi, nebanyishe kabidi dienu.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Bienzedi 21:11

Kufikaye patuvua, kuangata mukaba wa Polu, kudisuika nawu makasa ne bianza, wamba ne: — Mueyelu wa Tshijila udi wamba ne: Muena mukaba ewu, bena Yuda nebamusuike mushindu ewu mu Yerushalayime, pashishe nebamufile mu bianza bia bantu ba bisamba bikuabu.

Bienzedi 7:54

Bena Tshipangu bumvua miaku yonsu eyi, kufikabu munda bikole, kudia dinu, pavuabu batangile Stefane.

Bienzedi 9:16

Nemmuleje muonsu muakengaye bua dina dianyi.

Filipe 1:29

Bualu Mvidi Mukulu mmunupe dipa dia nuenu kukuatshila Kristu mudimu. Kanuena amu ne bua kumuitaba nkayaku, kadi nudi ne bua kukenga kabidi bualu buende.

2 Tesalonike 1:5

Ebi bionsu bidi bileja mudi Mvidi Mukulu ukosa nsambu pa yoyi, bualu makenga onsu aa neanuakaje, bua numone mua kubuela mu Bukalenga buende budibu banukengesha.

2 Yone 1:8

Nunku nuenu kabidi nudimuke bua kanujimiji bipeta bia ku mudimu wenu. Kadi nukuate mudimu bua nupete difutu dienu dijima.

Didimanyisha 1:9

Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.