Marke 13:8 - MUKANDA WA MYIDI MUKULU

⁸ Tshisamba netshiluishe tshisamba tshikuabu. Bukalenga nebuluishangane ne bukalenga bukuabu. Bikumina nebienzeke mu matunga mashilangane. Biyole bia nzala nebienzeke. Nebikale bu makenga a kumpala adi akuata mukaji pa lulelu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Tshisamba tshikuabo netshiluangane ne tshinga, bukelenge bukuabo nebuluangane ne bunga, buloba nebukanke ku nseke ne ku nseke, biole nebikaleku; malu au adi tshibangidilu tshia kanyinganyinga kakole.

Marke 13:8 교차 참조

Matayi 24:8

Malu onsu awu neikale bu makenga a kumpala adi akuata mukaji pa lulelu.

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Misambu 48:6

Bamona amu mukuna, kupapukabu! Bowa kubakuata, kunyemabu.

Didimanyisha 6:4

Ke kabalu kakuabu kupatuka, kakunze. Uvua mubandepu, bavua bamupesha muele mutue, kabidi ne bumfumu bua kutangalaja mvita pa buloba, bua bantu bashipangane.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Bienzedi 11:28

Umue wa kudibu, diende Agabuse, kujuka. Mueyelu wa Tshijila kumuambila, bua amanyishe bantu ne: “Matuku makese aa tshiyole tshia nzala tshinene netshienzeke pa buloba bujima.” (Tshiyole atshi kuenzeka tshikondu tshivua Klode mukalenga wa bakalenga).

Zekâya 14:13

Dituku adi, Maweja-Nangila neabakuatshishe bowa bikole. Nebatandangane ya bungi, muntu yonsu nealuishe muena mutumba nende.

Agayi 2:22

Nengumushe bakalenga mu nkuasa yabu. Nenshipe makalenga pa buloba. Nentonkole matempu a nwita, ne badi baendesha. Nyama ya tubalu neyifue. Badi babandapu nebakuluke, bafue ku miele yabu.

Yirmeya 50:43

Mukalenga wa ditunga dia Babilone, upeta lumu lua mvita, mu mikolu kumuteketa. Bowa kumukuata bu mukaji pa lulelu.

Yirmeya 49:24

Bena Damase nebatekete mu mikolu. Nebapingane tshianyima, banyema. Nebumvue bowa, bakenga bu mukaji udi ukeba kulela.

Yirmeya 25:32

Maweja-Nangila wa bukole buonsu udi wamba ne: Dikenga nedibuele mu ditunga ne mu ditunga. Mvunde udi ujuka, ufumine ku ndekelu kua buloba.

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 6:24

Patuvua bumvue lumu lua mvita ayi, tuetu kuteketa mu maboku. Tuetu kutshina bikole, anu mudi mukaji ukenga pa lulelu.

Yeshaya 19:2

Maweja-Nangila udi wamba ne: “Nensonsole bena Ejipitu, bua baluishangane bobu nkayabu. Muntu nealuangane ne muanabu, tshimenga netshiluishe tshikuabu, bukalenga nebuluishe bukuabu.

Yirmeya 4:31

Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

2 Kulondolola 15:6

Bantu ba mu tshisamba kampande bavua bashipangana ne ba mu tshisamba tshikuabu, ba mu tshimenga kampande bavua bashipangana ne ba mu tshimenga tshikuabu. Bualu Maweja-Nangila uvua mubanyoke, mubatumine bipupu bishilangane.

Yeshaya 29:6

Maweja-Nangila muena bukole buonsu neakuambuluishe, ne makubakuba a mvula, ne bikumina, ne mvunde wa tshipupu, ne ndimi ya kapia idi ibutula bintu bionsu.

Marke 13:7

Panumvua mutoyi wa bantu bakula, kanupampakanyi nansha. Bidi bimpe bua bia nanku bienzeke, kadi ki nshikidilu wa panu nansha.

Marke 13:9

“Kadi nuenu, dimukayi. Bualu bantu nebanufikishe ku tubadi. Bantu nebanututshishile mitshi mu nzubu ya kutendelela ya bena Yuda. Nenuimane kumpala kua balombodi ba buloba ne kua bakalenga, bua kubajadikila bimvua muambe.