Marke 12:3 - MUKANDA WA MYIDI MUKULU

³ Bafutshidi kukuata muena mudimu, kumutuuta, kumuipata bianza bitupu.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi bobo bakamukuata, bakamukuma, bakamuhingisha hatuhu.

Marke 12:3 교차 참조

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

1 Bakalenga 22:27

Ubambile ne: bele muntu awu mu nzubu wa lukanu mu dina dianyi. Bamupeshe kapese ka diampa ne mayi makese a kunua, too ne pangapingana katakata ku mvita eyi.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Yirmeya 2:30

Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Yirmeya 20:2

Kufutaye Yirmeya mapi, kumuelaye ku tshikunyi tshivua ku tshiibi tshia kulu tshia bena Binyamine, tshivua mu nzubu wa Mvidi Mukulu.

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

Yirmeya 44:16

— Udi wamba ne: ndi nnuambila malu mu dina dia Maweja-Nangila. Kadi tudi tubenga kukuteleja.

Matayi 15:22

Ke mukaji wa bena Kenaane, uvua musombe mu buloba abu, kufika kudi Yezu, wela lubila lukole ne: — Mfumu, Muana wa Davide, mfuilaku luse! Muananyi wa bakaji kena bimpe to! Mbamu-kengeshe kudi mukishi mubi.

Marke 12:2

Padi tshikondu tshia kupola tumuma tshikumbana, kutumaye muena mudimu wende kudi bafutshidi ba budimi abu, bua kupeta tuende tumuma tua nwinyo kudi bafutshidi.

Marke 12:4

Muena budimi kutuma muena mudimu mukuabu. Bobu kumutuuta bintu ku mutu, bamupenda.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

1 Tesalonike 2:15

Bena Yuda bavua bashipe Mfumu Yezu, ne bambi kabidi. Ke muvuabu batukengeshe ne tuetu. Kabena basankisha Mvidi Mukulu. Badi bena lukuna ba bantu bakuabu bonsu.