Marke 11:23 - MUKANDA WA MYIDI MUKULU

²³ Muntu muambile mukuna ewu ne: “Umuka udiele mu mayi manene.” Padiye kayi ne mpata mu muoyi wende, kadi muitabe ne: tshidiye wamba netshienzeke, tshiotshi netshienzeke.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bulelela, ndi nuambila ne, Muntu yonso wambila mukuna eu ne, Ubishibue, wedibue mu mai manene, yeye neikale ne bualu buakulombeye bikaleye kai ne mpata munda, bikaleye witabusha ne, Bualu bundi ndomba nebulue.

Marke 11:23 교차 참조

Misambu 37:4

Disanka diebe dikale amu kudi Maweja-Nangila. Nanku neakupeshe bionsu biudi umulomba.

Matayi 14:13

Pavua Yezu mumvue bualu ebu, kumukaye kaba aka mu buatu. Kuyaye kupengama pa nkayende. Kadi bantu bavule kumanya ne: Yezu mmumuke. Nanku kumukabu mu bimenga, bayila ku muelelu wa mayi, benda balonda Yezu.

Matayi 17:20

Ke Yezu kubandamuna ne: — Bualu ditaba dienu kadiena dikumbane to. Ndi nnujadikila bulelela ne: bu nuenu ne ditaba bunene bua lutete lua mutshi wa lusanga, malu onsu adi anuteketela. Diba adi, nenutumine mukuna ewu diyi ne: “Umuke apa, uye papa,” mukuna kuya! [

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Luke 17:6

Mfumu kuandamuna ne: — Bu nuenu ne ditaba bunene bua lutete lua lusanga, nuvua mua kuambila mutshi wa sikomore wawa ne: “Juka apa, umene mu mayi manene.” Nanku mutshi newitabe mu diyi dienu.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.